MA OBI NYE WO NSUA BIBLE
Ibotum Enya Enyigye Daa!
Sɛ yɛnye wo sua Bible no a, irunntua sika biara, na dɛm adzesua no bɔboa wo ma eenya nsɛmbisa bi tse dɛ dza odzidzi do yi ho mbuae:
Mibesi dɛn enya enyigye wɔ abrabɔ mu?
Ana nsɛmbɔndzi na amandzehu bɛba ewiei da bi?
Aso mebɛsan ehu m’adɔfo a woewuwu no bio?
Aso Nyankopɔn dwen moho ampa?
Mibesi dɛn abɔ mpaa ma Nyankopɔn etsie?
Irunntua Hwee
Irunntua sika biara wɔ Bible a yɛnye wo bosua no ho. Buukuu a yɛdze sua Bible a wɔato dzin Ibotum Enya Enyigye Daa! no so, irunntua ho kaw. Ɔno da nkyɛn a, sɛ innyi Bible a, yebotum ama wo bi.
Ibotum Akyerɛ Mbrɛ Epɛ No
Sɛ epɛ a, ibotum ama obi a ɔnye wo bosua adze no aba wo nkyɛn, anaa ibotum ama ɔafrɛ wo wɔ fon do, anaa ɔnye wo edzi nkitaho wɔ intanɛt do. Ber nye bea a epɛ dɛ wɔnye wo sua adze no dze, ne nyina gyina wo do.
Ɔnnyɛ Nhyɛ
Sɛ odu beebi na emmpɛ dɛ isua adze no bio a, ibotum egyaa, ɔnnyɛ nhyɛ koraa.
Sɛ yɛnye obi rusua Bible no a, yɛyɛ no dɛn?
Jehovah Dasefo bi bɛhyɛ da ara enya woho adagyer na ɔnye wo esua Bible no ma eehu dza Bible no kyerɛkyerɛ ankasa. Sɛ wowie adzesua kor a, wɔbɔkɔ fofor do. Buukuu a yɛdze bɔ Bible mu nkɔmbɔ no wɔato dzin Ibotum Enya Enyigye Daa!, na nkakrankakra ibohu dɛ ɔbɔboa wo ma eehu dza Bible no kyerɛkyerɛ nye dza ibotum ayɛ ama Bible no aboa wo wɔ w’abrabɔ mu. Sɛ epɛ dɛ ihu dza yɛreka yi ho nsɛm pii a, hwɛ video yi anaa kenkan nsɛm a ɔyɛ a nkorɔfo taa bisa fa Bible a yɛnye nkorɔfo sua ho no.
Epɛ dɛ ihu nsɛm a wɔnye wo bɔbɔ ho nkɔmbɔ no bi anaa?
Klek ase ha, na ibohu adzesua nsɛm ebiasa a wɔdze hyɛ Bible adzesua no ase no.
Epɛ dɛ esɔ hwɛ anaa?
Klek ase ha, na yɛbɛyɛ nhyehyɛɛ ma obi nye wo aabɔ Bible mu nkɔmbɔ.