Nyew. (Romefo 15:4) Nyimpa piinara refa atseetsee mu, naaso Bible mu asɛm bi aboa hɔn ma woenya awerɛkyekyer. Ma yensusu dɛm nsɛm no mu bi ho nhwɛ.

Dza yɛrebɛka ho asɛm

•  Amandzehu

•  Aber a wo dɔfo bi ewu

•  Ber a obi ne tsibowa rubu no fɔ tra do

•  Awerɛhow

•  Yarba

•  Dadwen

•  Akodzi

•  Daakye ho dadwen

 Philippifo 4:13: “Mutum adze nyina yɛ wɔ nyia ɔhyɛ me dzen no mu.”

 Dza ɔkyerɛ: Nyankopɔn botum ama wo ahoɔdzen ma edze eegyina ɔhaw biara a erefa mu no ano.

 Asomafo Ndwuma 24:15: “Owusoɛr bi bɛba.”

 Dza ɔkyerɛ: Nyankopɔn botum dze w’adɔfo a woewuwu no aba nkwa mu bio.

 Ndwom 103:12: “Dɛ mbrɛ anee na boka ntamu war no, dɛmara so na ɔama yɛnye hɛn mbrato ntamu awar.”

 Dza ɔkyerɛ: Sɛ Nyankopɔn dze hɛn bɔn kyɛ hɛn a, ɔdze kyɛ koraa. Ɔrennsan nnkɛfa ho asɛm mmba bio na oegyina do abɔ hɛn sombo, anaa mpo dɛ ɔatwe hɛn aso wɔ ho.

 Ndwom 34:18: ‘Jehovah bɛn hɔn a hɔn akoma abobɔ, na ɔgye hɔn a hɔn sunsum abotow nkwa.’

 Dza ɔkyerɛ: Nyankopɔn ahyɛ bɔ dɛ ɔbɔboa wo aber a wo werɛ ahow no. Obotum ama wo ahoɔdzen a edze begyina wo yaw no ano.

 Isaiah 33:24: “Ɔmamfo no mu bi nnkɛse dɛ, Meyar.”

 Dza ɔkyerɛ: Nyankopɔn ahyɛ bɔ dɛ ber bi bɛba a obiara benya apɔwmudzen papa.

 1 Peter 5:7: “Hom ntow hom dadwen nyina nkyen no do, osiandɛ ɔdwen hom ho.”

 Dza ɔkyerɛ: Dza yɛrefa mu nyina Nyankopɔn n’enyi tua, na ɔdwen hɛn ho. Dɛm ntsi ɔka kyerɛ hɛn dɛ dza ɔhaw hɛn biara no, yɛnka ho asɛm nkyerɛ no wɔ mpaabɔ mu.

 Ndwom 37:11, 29: ‘Ahobrɛadzefo dze wobenya asaase no atsena do; na wɔagye hɔn enyi wɔ asomdwee pii mu. . . . Atseneneefo benya asaase no afa, na wɔatsena mu daa.”

 Dza ɔkyerɛ: Apapafo bɛtsena asaase no do wɔ asomdwee mu daa.

 Nyikyerɛ 21:4: “Ɔbɛpepa hɔn enyiwa mu nyinsuwa nyina; na owu nnyi hɔ bio; na awerɛhow, nye su, nye yaw bi nnyi hɔ bio: osiandɛ nkan ndzɛmba no etwa mu.”

 Dza ɔkyerɛ: Nyankopɔn ahyɛ bɔ dɛ ndzɛmba bɔn a yɛrefa mu ndɛ nyina obeyi efi hɔ.