Nkrataafã Kakraabi, Naaso Kasa Pii Mu
Ofitsi January 2013 rokɔ no, wɔbɛtsew Awake! nye Ɔweɔn-Aban a wotsintsim ma amamfo no ne nkrataafã no do efi 32 dze akɔ 16.
Osiandɛ magazine ahorow no mu nsɛm do bɛtsew no ntsi, ɔbɛma kasa asekyerɛfo eetum akyerɛ ase akɔ kasa ahorow pii mu. Dɛ nhwɛdo no, wɔkyerɛɛ Awake! a ɔbae wɔ December 2012 mu no ase kɔr kasa ahorow 84 mu, na wɔkyerɛɛ Ɔweɔn-Aban a ɔbae wɔ December 2012 mu no ase kɔr kasa ahorow 195 mu. Naaso wɔ January 2013 mu no, wɔrekyerɛ Awake! no ase akɔ kasa ahorow 98 mu, nye Ɔweɔn-Aban no ase akɔ kasa ahorow 204 mu.
Ɔweɔn-Aban a yesũa wɔ hɛn asafo nhyiamu ase no bɔko do ara ayɛ nkrataafã 32.
Nkrataafã A Yetsintsim No Do Atsew—Dza Ɔba Intanɛt Do No Adɔɔ Sõ
Hɛn magazine ahorow a yetsintsim no a yɛretsew ne nkrataafã no do no bɛma nsɛm a ɔba hɛn wɛbsaet www.pr418.com do no asesã wɔ akwan ebien do.
Nsɛm ahorow bi a nkyɛ ɔba hɛn magazine ahorow a yetsintsim no mu no remmba mu bio, na mbom ɔbɛba wɛbsaet yi nkotsee do. Dɛ nhwɛdo no, nsɛm bi tse dɛ “For Young People,” “My Bible Lessons,” nye nhyiamu a wɔyɛ ma hɔn a woewie Gilead ho amandzɛɛbɔ a nkyɛ ɔba wɔ Ɔweɔn-Aban a wotsintsim ma amamfo no mu no bɛba wɛbsaet yi nkotsee do. Dɛmara so na nsɛm bi tse dɛ “For Family Review” nye “Young People Ask” a nkyɛ ɔba wɔ Awake! mu no so bɛba wɛbsaet yi nkotsee do.
Mfe pii nye yi no, wɔdze Ɔweɔn-Aban nye Awake! a wotsintsim no ne PDF gu hɛn wɛbsaet www.pr418.com yi do ma amamfo twẽ. Afei dze wɔbɛyɛ hɛn magazine ahorow yi a wotsintim no ne elɛtrɔnik dze fofor so. Ibenya hɛn magazine ahorow no wɔ HTML mu wɔ hɛn wɛbsaet yi do, na ama aayɛ mberɛw dɛ ibenya na aakenkan wɔ kɔmpiwta anaa elɛtrɔnik efir fofor biara do. Bio so, ibotum atwe hɛn nwoma ahorow a ɔwɔ kasa ahorow bɛyɛ 400 mu no wɔ hɛn wɛbsaet yi do a emmberɛ ho koraa.