Wɔ Kwesida, January 5, 2014 mu no, nna Serge Gerardin dze bɔɔs rutu kwan akɔ Jehovah Adasefo ehyiadzi wɔ France kurow bi a ɔbɛn Paris no mu, ɔkɔtoo kaar akwanhyia bi a ɔyɛ hũ. Ɔbɔ amandzɛɛ dɛ, “Kaar no kɛpeem bambɔ bi a ɔwɔ bregye no ho na otui kɔr sor. Na kaar no bɔhwee bregye no do, ɔpaa gya, na ɔdanee butuwii.”

Serge dze mfe bɔbor 40 ayɛ odumgya edwuma. Dɛ odumgya panyin no, ɔyɛɛ n’adze ntsɛmdo. Ɔkã dɛ: “Ɔwɔ mu dɛ nna yɛnnam kwan a akwanhyia no esi do no do dze, naaso mekãa kyerɛɛ hɛn drɔbanyi no dɛ ongyina, na mutuu mbirika kɔr beebi a kaar no rehyew no.” Serge tsee ntseatseamu “Wɔngye me! Muruwu o!” Ɔkã dɛ: “Nna mennhyɛ bambɔ atar biara, na mbom atar a medze rokɔ ehyiadzi noara. Naaso ntseatseamu no maa metsee nkã dɛ mubotum agye binom!”

Aber a Serge bɔɔ kaar no ho aprɔw no, ohun ɔbarimba bi a n’adwen etu afora na ɔboaa no. Serge kãa dɛ: “Ɔbarimba no kãa kyerɛɛ me dɛ nyimpa beenu bi so hyɛ kaar no mu. Dɛm aber yi dze, nna kaar pii so egyinagyina. Naaso osiandɛ nna gya no ano yɛ dzen ntsi, nna obiara nntum mmbɛn ho.”

Adrɔbafo pii dze odumgya ndwindadze bae. Serge maa hɔn akwankyerɛ ma wɔdze dwedwee gya no ano kakra. Yennhu ma ɔyɛe, naaso nna drɔbanyi no hyɛ kaar no ase. Ntsi Serge nye afofor a wɔkã no ho no maa kaar no do na wɔtwee drɔbanyi no fii ase.

Serge kãe dɛ: “no mu ara na gya no sɔɔ mu hum!” Naaso nna nyimpa kor da ho hyɛ kaar no mu a ɔbɔ siit bɛlɛte na ne tsir si famu. Odumgyanyi bi so a onnyi edwuma mu baa hɔ a ɔhyɛ anwoma atar a wɔdze twuw moto. Serge kã dɛ: “Mekyerɛkyerɛɛ mu kyerɛɛ no dɛ, ɔnnkɛkyɛr na gya no asɔ kaar no nyina mu, ntsi yesii gyinae dɛ yebosuo ɔbarimba no nsa mu atwe no efi kaar no mu, na yɛyɛɛ dɛm so.” Woenndzi minitsi kor mpo na kaar no nyina sɔɔ gya.

Aber a odumgyafo nye adatserfo bodur hɔ no, wɔhwɛɛ hɔn a hɔn ho akã no, na woduum gya no. Wɔyɛɛ Serge a nna ne nsa ho etwitwa na ahyehyew no edur. Aber a Serge rokɔfow bɔɔs no akɔ ehyiadzi no, nyimpa pii dze mbirika kɛdaa no ase.

Serge enyi sɔ dɛ otumii yɛɛ mboa. “Mebɛtsee nkã wɔ Jehovah, me Nyankopɔn enyim dɛ ɔyɛ m’asodzii dɛ mebɛgye hɔn. Dza ɔma me akomatɔyamu nye dɛ mutumii boae maa wɔgyee dɛm nkorɔfo no.”