Nyew, Jehovah Adasefo gye edur nye eduyɛ to mu. Ɔwɔ mu dɛ yɛbɔ mbɔdzen dɛ yɛbɔhwɛ hɛn nyimpadua nye hɛn apɔwmudzen do yie dze, naaso ɔtɔfabi a yehia “oduyɛfo.” (Luke 5:31) Nokwasɛm nye dɛ, dɛ mbrɛ nna Christiannyi Luke a ɔtsenaa ase wɔ asomafo no ber do yɛ oduyɛfo no, dɛmara na ndɛ so Jehovah Adasefo no mu binom yɛ eduyɛfo.​—Colossaefo 4:14.

Naaso eduyɛ ahorow no mu bi nnye Bible mu ngyindosɛm ahorow nnhyia, na yɛpow iyinom. Dɛ nhwɛdo no, yɛmmpen bɔgya a wɔtwẽ ma afofor do, osiandɛ Bible no kasa tsia bɔgya a obi gye kɔ no mu no. (Ndwuma 15:20) Dɛmara so na Bible no kasa tsia eduyɛ anaa ayarsa a abayisɛm wɔ mu.​—Galatiafo 5:19-21.

Naaso, eduyɛ a ɔwɔ hɔ no mu pii nntsia Bible mu ngyinadosɛm no. Ntsi, obiara si nankasa ne gyinae wɔ iyi ho. Jehovah Dasefo bi botum esi gyinae dɛ ɔbɛgye edur anaa eduyɛ pɔtsẽe bi ato mu, naaso Ɔdasefo fofor so bɔpow dɛm ayarsa kor no ara.​—Galatiafo 6:5.