SIANTSIR A NO HO HIA: Jehovah, Kyerɛkyerɛfo Kunyin no, ma hɛn nkyerɛkyerɛ a oye kyɛn biara. Ɔkyerɛ hɛn mbrɛ yebotu mpon wɔ asetsena mu na osiesie hɛn ma daakye kɛse bi; naaso ɔdze ne nyina ma kwa, ɔnngye hɛn hwee! (Isa 11:6-9; 30:20, 21; Ny 22:17) Afei so, Jehovah nam ne nkyerɛkyerɛ do siesie hɛn ma yetum kã nkwagyesɛm kyerɛ afofor.​—2Co 3:5.

MBRƐ EBƐYƐ NO:

• Kɔ do nya ahobrɛadze na ɔdwe su.​—Nd 25:8, 9

• Fa ntsetsee a irinya no seseiara no dzi dwuma. Bi nye dɛ, sɛ wɔma wo esuafo dwumadzi wɔ dapɛn finimfin nhyiamu no ase a, yɛ

• Fa sunsum afamu botae ahorow sisi w’enyi do na per du ho.​—Php 3:13

• Fa ndzɛmba bɔ afɔr mbrɛ ɔbɛyɛ a ibotum enya ntsetsee afofor.​—Php 3:8

HWƐ VIDEO A WƆATO DZIN JEHOVAH NE NKYERƐKYERƐ AMA YENYA NHYIRA PII NO, NA YIYI NSƐMBISA A ODZIDZI DO YI ANO:

• Nsɛndzendzen a enuanom bi dzii do ana worutum akɔ Ahendzi Asɛmpakafo Skuul no bi nye dɛn?

• Ebɛn ntsetsee na Ahendzi Asɛmpakafo Skuul no dze ma?

• Ebɛn kwan do na enuanom aboa hɔn a woewie skuul no wɔ dwumadzi a wɔdze ama hɔn no mu?

• Ebɛn ahwehwɛdze na ɔsɛ dɛ obi du ho ana oeetum akɔ Ahendzi Asɛmpakafo Skuul no bi? (kr-TW 189)

• Ebɛn ntsetsee afofor na ibotum aper edu ho wɔ Jehovah n’ahyehyɛdze no mu?