10:13

Jehovah botum apaw dɛ obeyi nsɔhwɛ bi efi hɔ. Naaso mpɛn pii no, ɔdze dza yehia na ama yeetum asɔw nsɔhwɛ no ma hɛn, na ɔyɛ dɛm dze kyerɛ dɛ ‘ɔdze kwan aka’ nsɔhwɛ no ho.

• Obotum ama yeenya tsebea no ho adwempa, yaahyɛ dzen na yeenya awerɛkyekyer dze nam n’Asɛm no, no sunsum krɔnkrɔn no nye sunsum afamu edziban a ɔdze ma hɛn no do.​—Mt 24:45; Joh 14:16; Ro 15:4

• Obotum dze no sunsum krɔnkrɔn no akyerɛ hɛn kwan, na ɔno botum aboa hɛn ma yaakaakaa Bible mu nsɛm na ngyinadonsɛm a ɔbɛma yesisi gyinae pa.​—Joh 14:26

• Obotum dze n’abɔfoe no aboa hɛn.​—Heb 1:14

• Obotum afa hɛn nuanom agyedzifo do aboa hɛn.​—Col 4:11