Ofi afe yi dze rokɔ no, yebenya ber pii dze esiesie hɛnho ama Christ no wu ho Nkaadzi no. Sɛ Nkaadzi no si wɔ dapɛn finimfin a, wɔrennyɛ Asɛnka Nye Asetsena Nhyiamu no wɔ dɛm dapɛn no mu. Sɛ Nkaadzi no si wɔ dapɛn no ewiei a, wɔrennyɛ bagua mu ɔkasa na Watchtower Adzesua no. Ebɛyɛ dɛn dze dɛm ber yi edzi dwuma yie? Dɛ mbrɛ nna ɔtse wɔ asomafo no aber do no, ɔsɛ dɛ yɛtoto ndzɛmba ahorow bi yie ma dɛm dwumadzi tsitsir yi. (Lu 22:7-13; km-TW 3/15 1) Naaso ɔsɛ dɛ hɛn mu biara siesie n’akoma ma dɛm dwumadzi yi. Yɛbɛyɛ no dɛn?

• Dwendwen siantsir a no ho hia dɛ ekɔ bi no ho.​—1Co 11:23-26

• Bɔ mpaa na dwendwen enye Jehovah ntamu ebusuabɔ no ho.—1Co 11:27-29; 2Co 13:5

• Kenkan Bible mu nsɛm a ɔfa dza Nkaadzi no kyerɛ no ho na dwendwen ho.​—Joh 3:16; 15:13

Dza adawurbɔfo binom yɛ nye dɛ, wɔkenkan Nkaadzi Bible akenkan a ɔwɔ Examining the Scriptures Daily no mu no na wɔdwendwen ho. Binom so kenkan kyerɛwnsɛm ahorow a ɔwɔ adakaba a ɔwɔ ase ha yi mu no. Afofor so susu Nkaadzi ho nsɛm nye ɔdɔ a Jehovah na Jesus ada no edzi akyerɛ hɛn no ho nsɛm a ɔwɔ Watchtower mu no ho. Ɔmmfa ho kwan biara a ebɛfa do esũa adze no, ma ɔmboa wo ma bɛn Jehovah na ne Ba no kɛse.