SIANTSIR A NO HO HIA: Hɔn a wɔasera hɔn no nye nguan fofor no to nsa frɛ nyimpa ahorow nyina dɛ wɔmbra “mbɛfa nkwa nsu no kwa.” (Ny 22:17) Dɛm nsɛnkyerɛdze kwan do nsu yi gyina hɔ ma nhyehyɛɛ ahorow a Jehovah ayɛ a ɔdze bɛgye adasamba a wɔyɛ setsie no efi bɔn nye owu mu. Ɔsor obiara n’amambra na dza ɔgye dzi, ntsi sɛ yebotum aboa nyimpa a wɔtsetse dɛm no nyinara a, ɔsɛ dɛ yɛdze “onnyiewiei asɛmpa” no ma hɔn wɔ kwan bi do a ankorankor biara enyi bɛgye ho.​—Ny 14:6.

MBRƐ EBƐYƐ NO:

• Paw kyerɛwsɛm nye asɛntsir bi a hɔn a wɔwɔ w’asaasesin mu no enyi bɛgye ho. Ibotum apaw mbrɛ yebotum abɔ nkɔmbɔ no bi anaadɛ ibotum apaw asɛntsir bi a edze edzi dwuma pɛn ma wɔasow aba. Ebɛn nsɛm na sɛ edze kɔ asɛnka a nkorɔfo tsie, na ebɛn kyerɛwsɛm so na amamfo enyiwa gye ho? Aso asɛm bi esi ndaansa yi ara a nkorɔfo robɔ ho nkɔmbɔ? Ebɛn asɛm na sɛ ekã kyerɛ ɔbaa a n’enyi bɛgye ho, na hendze so na mbanyimfo pɛ etsie?

• Sɛ enye obi robɔ nkɔmbɔ a, fa nkyia na amambra a wɔgye to mu wɔ hɔ no dzi dwuma.​—2Co 6:3, 4

• Hu nwoma na video ahorow a ɔwɔ hɛn Edwindadze Etsitsir A Yɛdze Kyerɛkyerɛ no no mu nsɛm yie na aama etum dze aboa obi a ɔbɛkyerɛ asɛm no ho enyigye

• Ibotum ehyia hɔn a ɔsor hɔn kasaa wɔ asɛnka mu, ntsi dzi kan twe ndzɛmba a ibotum dze aboa hɔn no bi to hɔ

• Sesa wo nsɛm mu na aama ɔnye fiewura biara n’ehiadze ehyia. (1Co 9:19-23) Dɛ nhwɛdo no, sɛ ekɔto dɛ ɔnnkyɛree biara na fiewura bi no dɔfo bi wui a, ebɛn asɛm na ebɛkã akyerɛ no?

HWƐ VIDEO NO, NA YIYI NSƐMBISA A ODZIDZI DO YI ANO:

• Ebɛn asɛntsir na dawurbɔfo no hyɛɛ ase dɛ nkyɛ ɔnye fiewura no robɔ ho nkɔmbɔ?

• Nna ebɛn asɛm rokɔ do wɔ fiewura no n’asetsena mu?

• Ebɛn kyerɛwsɛm na nkyɛ ɔfata papaapa ma tsebea no, na ebɛnadze ntsi a?

• Eyɛ dɛn sesa asɛntsir a edze nam asɛnka mu no mu ma ɔboa hɔn a wɔwɔ w’asaasesin mu no?