ROMEFO 4-6
AKORADZE A OFI NYANKOPƆN N’ASƐM MU |“Nyankopɔn Kyerɛ No Dɔ Wɔ Hɛn Do”
5:8, 18, 21
Werdam no a Jehovah dze maa dɛ akyɛdze no ho hia na ama Jehovah ne dzin ho aatsew na wɔaada edzi dɛ ɔno na ɔfata dɛ odzi tum na kwan a ɔfa do dzi tum so nye papa no. Naaso werdam no san so boa ma yɛyɛ atseneneefo wɔ Jehovah n’enyi do ndɛ, na ɔma yenya enyidado dɛ adasamba a wɔyɛ setsie no nyina benya daakye a ɔyɛ enyigye.
Yɛbɛyɛ dɛn akyerɛ dɛ hɛn enyi sɔ akyɛdze a ɔnye werdam no?
-
Ahodohyira nye esubɔ ma yɛda no edzi dɛ yɛgye werdam no dzi na yɛpɛ so dɛ yɛyɛ Jehovah ne dze
-
Nyankopɔn n’Ahendzi no ho asɛmpa a yɛkã no da no edzi dɛ yerusũasua ɔdɔ a Jehovah wɔ ma nyimpa ahorow nyina no bi.—Mt 22:39; Joh 3:16
Ebɛn akwan afofor na mubotum afa do dze akyerɛ dɛ m’enyi sɔ Jehovah n’akyɛdze a ɔnye werdam no?