Mber tsentsen ahen nye yi na edze atweɔn Nyankopɔn n’Ahendzi no? Ana akɔ do dze abotar atweɔn ɔmmfa ho nsɛndzendzen biara? (Ro 8:25) Christianfo binom wɔ hɔ a worihyia enyitan, wɔyɛ hɔn ayakayakadze, wɔdze hɔn egu efiadze anaa mpo wɔdze owu ruhunahuna hɔn. Pii so wɔ hɔ a hɔndze nye yarba koannkɔ anaa mpanyinyɛ.

Ebɛnadze na ɔbɔboa hɛn ma yɛdze abotar aatweɔn wɔ nsɔhwɛ mu? Ɔsɛ dɛ yɛkenkan Bible no dabiara na yɛdwendwen ho dze hyɛ hɛn gyedzi dzen. Ɔsɛ dɛ yɛdze hɛn enyi si hɛn enyidado no do. (2Co 4:16-18; Heb 12:2) Ɔsɛ dɛ yɛdze nkotoserɛ kɔ Jehovah n’enyim wɔ mpaabɔ mu na yɛserɛ no sunsum krɔnkrɔn no mboa. (Lu 11:10, 13; Heb 5:7) Hɛn Egya a ɔyɛ ɔdɔ no botum aboa hɛn ma yaatweɔn wɔ “abotar nye penkyɛr nye dɛw nyina mu.”​—Col 1:11.

HWƐ VIDEO A WƆATO DZIN ƆSƐ DƐ YƐDZE ‘ABOTAR TU MBIRIKA’ NO​—NYA AWERƐHYƐMU DƐ IBENYA ABƆTSIR NO, NA YIYI NSƐMBISA A ODZIDZI DO YI ANO:

• Ebɛn “esian” na obotum ato hɛn wɔ asetsena mu? (Ɔsɛ 9:11)

• Sɛ yehyia nsɔhwɛ a, ebɛn kwan do na mpaabɔ tum boa hɛn?

• Sɛ yenntum nnyɛ pii wɔ Jehovah no som mu tse dɛ nkan no a, ebɛnadze ntsi na ɔsɛ dɛ yɛdze hɛn adwen si dza ndɛ yetum yɛ no do?

• Ebɛnadze na ɔboa wo ma ekɔ do nya ahotodo dɛ ibenya abɔtsir no?