Dɛ mbrɛ Jehovah hyehyɛɛ Israelmba no, dɛmara na ndɛ so ɔahyehyɛ no nkorɔfo ma wɔyɛ n’apɛdze. Edwumayɛbea nkorbata ahorow, amansin ahorow, asafo ahorow nye asɛnka kuw ahorow a wɔwɔ wiadze nyina no yɛ edwuma bɔ mu dze kã asɛmpa no. Yɛkã asɛm no kyerɛ obiara, na hɔn a wɔkã kasa fofor mpo ka ho.​—Ny 14:6, 7.

Ana esusu ho pɛn dɛ ibosũa kasa fofor bi mbrɛ ɔbɛyɛ a edze bɔboa obi ma oeesũa nokwar no? Sɛ innyi adagyer a edze bosũa kasa bi mpo a, ibotum dze JW Language app no esũa nsɛm kakra bi a ibotum dze edzi obi dase. Sɛ edze iyi dzi dwuma wɔ asɛnka mu a, bi a woara so benya enyigye a tsetse Christianfo no nyae no bi. Aber a hɔn a wofi aman afofor do no tsee dɛ wɔrekã “Nyankopɔn n’etumdze” ho asɛm wɔ hɔn ankasa hɔn kasaa mu no, ɔyɛɛ hɔn nwanwa, na iyi maa Christianfo no enyi gyee.​—Adw 2:7-11.

HWƐ VIDEO A WƆATO DZIN BƐYƐ JEHOVAH NE NYƐNKO​—KÃ ASƐMPA NO WƆ KASA FOFOR MU NO, NA YIYI NSƐMBISA A ODZIDZI DO YI ANO:

• Ebɛn aber na ibotum dze JW Language app no edzi dwuma?

• App no n’afa ahorow no bi nye dɛn?

• Ebɛn kasa ahorow na hɔn a wɔwɔ w’asaasesin mu no kã?

• Ebɛnadze na ɔwɔ dɛ eyɛ aber a obi a ɔnnkã wo kasaa akyerɛ Ahendzi asɛmpa no ho enyigye no?​—od-TW 100 ¶39-41