Esom bo wɔ Jehovah n’enyi do. (Isa 43:4) Ɔatwe wo aba ne nkyɛn, na ɔnye wo aba n’ahyehyɛdze no mu so. Osiandɛ ehyira woho do ama Jehovah na enuma ntsi, abɛyɛ nedze. Sɛ ihyia nsɛndzendzen mpo a, Jehovah bɔhwɛ wo dɛ n’egyapadze soronko. Ɔnam n’ahyehyɛdze no do bɛda nokwar dɔ edzi akyerɛ wo.​—Nd 25:10.

Sɛ yɛhwɛ mbrɛ ahyehyɛdze no aboa hɛn nuanom wɔ atoyerɛnkyɛm ber mu ndaansa yi a, ɔma hɛn enyi sɔ nokwar dɔ a Jehovah da no edzi kyerɛ hɛn no kɛse.

HWƐ VIDEO A WƆATO DZIN 2019 NKITAHODZIFO EGYINATUKUW AMANDZƐƐBƆ NO, NA YIYI NSƐMBISA A ODZIDZI DO YI ANO:

• Ebɛn nhyehyɛɛ na Nkitahodzifo Egyinatukuw no ayɛ a ɔboa Bethel ahorow a wɔwɔ wiadze nyina aber a atoyerɛnkyɛm esi no?

• Jehovah n’ahyehyɛdze no sii dɛn dze akwankyerɛ nye atoyerɛnkyɛm ber mu mboa maa enuanom wɔ Indonesia na Nigeria?

• Ebɛnadze na w’enyi agye ho wɔ mbrɛ ahyehyɛdze no ayɛ n’adze wɔ COVID-19 yarba no ho?