TU MPON WƆ ASƐNKA EDWUMA NO MU | NYA ENYIGYE KƐSE WƆ ASƐNKA EDWUMA NO MU
Boa Bible Esuafo Ma Wɔnkɔ Asafo Nhyiamu
Asafo nhyiamu yɛ nokwar som ne fã tsitsir. (Nd 22:22) Hɔn a wohyia mu som Jehovah no nyina nya enyigye na nhyira. (Nd 65:4) Mpɛn pii no, sɛ Bible esuafo ba asafo nhyiamu dabaa a ɔma wonya nkɔenyim ntsɛntsɛm.
Ibesi dɛn aboa wo Bible esuafo ma wɔaaba asafo nhyiamu? Kɔ do to nsa frɛ hɔn dɛ wɔmbra. Fa video a wɔato dzin Ebɛnadze na Ɔkɔ do wɔ Hɛn Ahendzi Asa Do? no kyerɛ hɔn. Ma wo Bible esuafo no nhu mfaso a wobotum enya efi asafo nhyiamu mu. (lff adzesua 10) Ibotum akã adze pɔtsee bi a ehyɛɛ no nsew wɔ asafo nhyiamu bi ase anaa dza yebosũa wɔ nhyiamu a odzi hɔ no ase no ho asɛm akyerɛ hɔn. Ma w’esuafo no nwoma ahorow a yɛdze bedzi dwuma wɔ hɔ no bi. Afei so, fa mboa pɔtsee a w’esuafo no behia no ma hɔn. Bi a obehia dɛ ekɛfa hɔn ba nhyiamu no ase. Wɔ da a odzi kan a wo suanyi no bɛba asafo nhyiamu no, ibohu dɛ wo berɛ annyɛ gyan.—1Co 14:24, 25.
HWƐ VIDEO A WƆATO DZIN BOA WO BIBLE ESUAFO MA WƆNKƆ ASAFO NHYIAMU NO, NA YIYI NSƐMBISA A ODZIDZI DO YI ANO:
-
Ebɛn asɛm na Neeta gyinaa do dze too nsa frɛɛ Sandy dɛ ɔmbra asafo nhyiamu?
-
Ebɛnadze ntsi na sɛ Bible suanyi bi ba asafo nhyiamu a, hɛn enyi gye dɛm no?
-
“Nyankopɔn wɔ hom mu ampa”
Aber a Sandy kɔr asafo nhyiamu a odzi kan no, ebɛnadze na ohunii?
