Yɛpɛ dɛ yɛyɛ dza Jehovah pɛ aber nyina. (Mbɛ 27:11) Sɛ yebotum ayɛ dɛm a, ɔsɛ dɛ yesisi gyinae ahorow a ɔkyerɛ dɛ yɛwɔ Jehovah n’adwen wɔ ndzɛmba ho aber mpo a gyinae a yerisi no ho mbra anaa ahyɛdze pɔtsee nnyi Bible mu no. Ebɛnadze na obotum aboa hɛn ma yaayɛ dɛm?

Yɛ Bible adzesua ho nhyehyɛɛ na dzi ekyir. Aber biara a yɛbɛkenkan Bible no, ɔtse dɛ mbrɛ yɛagye ber nye Jehovah robɔ nkɔmbɔ. Sɛ yɛrekenkan Bible no na yɛhwɛ kwan a Jehovah nye ne mamfo no dzii nye dza ɔtoo hɔn a wɔyɛɛ n’apɛdze nye hɔn a wɔannyɛ n’apɛdze no a, obotum ama yeehu Jehovah n’adwen wɔ ndzɛmba ho. Ntsi, sɛ yerisi gyinae bi a, Jehovah no sunsum krɔnkrɔn no botum akaakaa hɛn esuadze na afotu a yeenya efi Bible mu no, na ɔno bɔboa hɛn ma yeesi gyinae pa.​—Joh 14:26.

Yɛ nhwehwɛmu. Sɛ iribesi gyinae bi a, bisa woho dɛ, ‘Ebɛn kyerɛwsɛm anaa Bible mu asɛm na ɔbɔboa me ma meehu Jehovah n’adwen wɔ asɛm yi ho?’ Bɔ mpaa serɛ Jehovah hɔ mboa. Fa edwindadze ahorow a yɛdze yɛ nhwehwɛmu no mu dza ɔwɔ wo kasaa mu no hwehwɛ Bible mu afotusɛm a ɔfa wo tsebea no ho.​—Nd 25:4.

HWƐ VIDEO A WƆATO DZIN ƆSƐ DƐ YƐDZE ‘ABOTAR TU MBIRIKA’ NO​—DZI EDZIBAN A AHOƆDZEN WƆ MU NO, NA YIYI NSƐMBISA A ODZIDZI DO YI ANO:

• Nna ebɛn ndzɛmba na wɔdze rehaw akyerɛbaa no a ɔwɔ video no mu no?

  textarea-1

• Sɛ nsɛm bi dɛm to wo a, ebɛn kwan do na nhwehwɛmu a ebɛyɛ wɔ hɛn nwoma ahorow no mu no botum aboa wo?

  textarea-2

• Sɛ yɛgye ber sua adze na yɛyɛ nhwehwɛmu a ɔbɔboa hɛn ma yeesisi gyinae pa a, ebɛn mfaso na yenya fi mu?​—Heb 5:13, 14

  textarea-3