January 15-21
JOB 36-37
Ndwom 147 Nye Mpaabɔ | Mbue-Enyim Nsɛm (Min. 1)
1. Fa Woho To Onnyiewiei Nkwa A Nyankopɔn Dze Ahyɛ Hɛn Bɔ No Do
(Min. 10)
Jehovah nnyi ahyɛse na onnyi ewiei so (Job 36:26; w15 10/1 13 ¶1-2)
Jehovah wɔ nyansa na tum a obotum dze aboa hɛn ma yɛatsena ase (Job 36:27, 28; w20.05 22 ¶6)
Jehovah akyerɛ hɛn dza yɛyɛ a ɔbɛma yeenya onnyiewiei nkwa (Job 36:4, 22; Joh 17:3)
Sɛ yenya gyedzi kɛse wɔ Nyankopɔn no bɔhyɛ a ɔfa onnyiewiei nkwa no ho a, ɔbɛma yeenya ahoɔdzen dze egyina hɛn haw ano.—Heb 6:19; w22.10 28 ¶16.
2. Pɛnsapɛnsa Bible Mu
(Min. 10)
-
Job 37:20—Bible mber mu no, sɛ nna wɔdze nkra rekɛma obi a, nna wɔyɛ no dɛn? (it-1 492)
-
Eyɛɛ dapɛn yi Bible akenkan no mu mpɛnsampɛnsamu no, ebɛn adze na ihunii a epɛ dɛ eka ho asɛm?
3. Bible Akenkan
(Min. 4) Job 36:1-21 (th adzesua 2)
4. Ber A Epɛ Dɛ Ehyɛ Nkɔmbɔ Ase
(Min. 3) BAGUA MU ADASEDZI. (lmd adzesua 3 nkyekyɛmu 3)
5. Sankɔhwɛ
(Min. 4) EFIEFI ASƐNKA. (lmd adzesua 2 nkyekyɛmu 5)
6. Kyerɛkyerɛ Wo Gyedzi Mu
(Min. 5) Ɔkasa: ijwfq 57 ¶5-15—Asɛntsir: Ebɛnadze Ntsi Na Wɔdze Ɔtaa Baa Jehovah Adasefo Do Ber A Nna Nazi Aban No Rukunkum Nyimpa Mpempem Pii No? (th adzesua 18)
Ndwom 49
7. Siesie Woho Ma Yarba A Obotum Abɔ Wo Awerɛfir Mu Na Oprehyɛn
(Min. 15) Nkɔmbɔ. Asafo mu panyin na ɔbɛyɛ.
Jehovah nam n’ahyehyɛdze no do ama hɛn ndzɛmba ahorow a ɔboa hɛn ma yedzi ne Mbra a ɔfa bɔgya ho no do. (Adw 15:28, 29) Aso edze reyɛ edwuma a?
Durable Power of Attorney (DPA) Nye Identity Card (ic): Yɛdze kyerɛ mbrɛ yɛpɛ dɛ wɔdze bɔgya dzi dwuma wɔ hɛn ayarsa mu aber a yɛyar. Adawurbɔfo botum agye DPA no bi ahyehyɛ na wɔagye Identity Card no so bi ama hɔn mba efi onua a ɔhwɛ nwoma do no hɔ. Sɛ yɛhyehyɛ wie a, ɔsɛ dɛ yɛdze hyɛ hɛnho aber biara. Sɛ ennhyehyɛ bi a, bɔ mbɔdzen hyehyɛ no enyim enyim yi ara, sɛ wodze no ayɛ dadaw so a, ibotum ahyehyɛ fofor.
Nyansahyɛ A Wɔdze Ma Apemfo (S-401) Nye Information for Patients Requiring Surgery or Chemotherapy (S-407): Dɛm nkrataa yi boa obi ma osi gyinae pa wɔ n’ayarsa mu a bɔgya ho asɛm mpo ka ho. Sɛ ɔbaa bi fa yafun ara pɛ a, ɔsɛ dɛ ɔgye Nyansahyɛ A Wɔdze Ma Apemfo (S-401) krataa no bi na sɛ obi nya cancer anaadɛ wɔka dɛ wɔbɛyɛ no oprehyɛn a ɔsɛ dɛ ɔgye Information for Patients Requiring Surgery or Chemotherapy (S-407) krataa no bi fi n’asafo mu mpanyimfo hɔ.
Ayarsabea Ntamu Nkitahodzi Egyinatukuw (HLC): HLC no mufo yɛ asafo mu mpanyimfo a wɔatsetse hɔn yie dɛ wɔmboa enuanom na adɔktafo ma wonhu nsɛm ahorow a ɔfa bɔgya ho. Wobotum aboa ayarsa ho edwumayɛfo ma woehu mbrɛ wobotum asa wo yarba a wɔnnkɛma wo bɔgya. Wobotum so aboa wo ma eenya dɔkta bi a ɔdze wo gyinae a esi afa bɔgya ho no bɛyɛ edwuma. Nsu mu o, ewia mu o, dɛm enuanom yi ayɛ krado dɛ wɔbɔboa wo. Sɛ wɔka dɛ wɔbɛgye wo ato ayarsabea, wɔbɛyɛ wo oprehyɛn, anaa sɛ enya cancer ma wɔdze wo to edur do na sɛ ihu dɛ bɔgyasɛm remmba mu mpo a ka ho asɛm kyerɛ HLC ntsɛmara. Dza yɛreka yi fa apemfo so ho. Sɛ ihia HLC no mboa a, ka ho asɛm kyerɛ w’asafo mu mpanyimfo.
Yi VIDEO a wɔato dzin Mbrɛ Ayarsabea Ntamu Nkitahodzi Egyinatukuw No Boa Hɛn. Afei bisa etsiefo no dɛ:
Sɛ eyar na ekɔ ayarsabea na wɔka dɛ wɔbɛyɛ wo oprehyɛn a, ebɛn kwan do na HLC botum aboa wo?
8. Asafo Bible Adzesua
(Min. 30) bt tsir 4 ¶9-12, adakaba a ɔwɔ kr. 34
