TU MPON WƆ ASƐNKA EDWUMA NO MU | NYA ENYIGYE KƐSE WƆ ASƐNKA EDWUMA NO MU
Du Akoma Mu
Ɔwɔ dɛ yefi hɛn akoma mu tsie Nyankopɔn. (Mbɛ 3:1) Dɛm ntsi sɛ yɛrekyerɛkyerɛ a, ɔwɔ dɛ yɛbɔ mbɔdzen du hɛn etsiefo no hɔn akoma mu. Yebesi dɛn ayɛ dɛm?
Mma nnkyerɛkyerɛ wo suanyi no Bible mu nokwasɛm kɛkɛ, mbom boa no ma onhu mbrɛ dza orusũa no ka n’asetsena nye mbrɛ ɔka ebusuabɔ a ɔnye Jehovah wɔ no. Boa no ma onhu dɛ Bible mu gyinapɛn ahorow da Jehovah no dɔ, ne papayɛ na ne tsenenee edzi. Fi ɔdwe na obu mu fa nsɛmbisa dzi dwuma fa boa no ma onsusu mbrɛ ɔtse nka wɔ dza orusũa no ho. Boa no ma ɔndwendwen mfaso a obenya aber a ɔayɛ nsakyer wɔ ne ndzeyɛɛ anaa adwen bi a ɔmmfata a ɔwɔ no mu ho. Sɛ ihu dɛ wo suanyi no fi n’akoma mu dɔ Jehovah a, ɔbɛma enyigye a ewɔ no ayɛ kɛse.
HWƐ VIDEO A WƆATO DZIN NYA DƐW A ƆWƆ ESUAFOYƐ EDWUMA MU NO BI—TU MPON WƆ WO NKYERƐKYERƐ MU—DU AKOMA MU NO, NA YIYI NSƐMBISA A ODZIDZI DO YI ANO:
-
Ebɛnadze ntsi na Neeta bisaa Sandy dɛ: “Dza yɛkãa ho asɛm Monday no, edween ho bio a?”
-
Neeta sii dɛn boaa Sandy ma ohun mbrɛ Bible mu gyinapɛn ahorow da no edzi dɛ Jehovah dɔ no?
-
Sɛ yedu hɛn suanyi no n’akoma mu a, ɔbɔboa no ma oeenya nkɔenyim
Neeta sii dɛn boaa Sandy ma osusuu kwan a ɔbɛfa do ada no edzi dɛ ɔdɔ Nyankopɔn no ho?
