CHRISTIANFO ASETSENA

Enye Mberwa No Ndzi No Dɛ Nanom, Mbabaawa No Dɛ Nkyerɛbaa

BƆ

Kyerɛwnsɛm no kã dɛ yɛnye Christianfo a hɔn mfe akɔ enyim no ndzi no dɛ nanom na egyanom, na mbabun no dɛ enuanom. (Kenkan 1 Timothy 5:1, 2.) Ɔwɔ dɛ enuanom mbarimba nye nkyerɛbaa no dzi no wɔ obu na enyidzi mu.

Onnyi dɛ onuabarimba bi dze no ho hyehyɛ akyerɛbaa bi anaadɛ ɔyɛ biribi a obotum ama akyerɛbaa bi n’ahom rennka noho aber biara a obohu no no. (Job 31:1) Onnyi dɛ onuabarimba bi a ɔnnwaree no dze akyerɛbaa sigyanyi bi ne nkãtse dzi agor, amma akyerɛbaa no eennya adwen dɛ gyama onuabarimba no nya a ɔbɔwar no, aber a onuabarimba no innyi adwen a ɔtse dɛm.

Sɛ akyerɛbaa bi fi obu mu bisa asɛm bi anaa ɔkyerɛ n’adwen wɔ biribi a ohia papaapa dɛ wodzi ho dwuma ho a, ɔwɔ dɛ mpanyimfo no fi ayamuyie mu susu n’asɛm no ho. Mpanyimfo no dwen hɔn a wonnyi kun a wɔbɔbɔ hɔnho ban no ho papaapa.—Ru 2:8, 9.

HWƐ VIDEO A WƆATO DZIN KƆ DO DA ƆDƆ EDZI WƆ ASAFO NO MU—FA KYERƐ EKUNAFO NA NGYANKA NO, NA YIYI NSƐMBISA A ODZIDZI DO YI ANO:

Ebɛn kwan do na asafo no mufo daa ɔdɔ soronko edzi kyerɛɛ Akyerɛbaa Myint?
Ebɛn kwan do na ɔdɔ a enuanom no daa no edzi no kaa hɔn a wɔwɔ kurow no mu hɔ no?
Ebɛn kwan do na ɔdɔ a asafo no mufo no daa no edzi no kaa Akyerɛbaa Myint ne mbabaa no?