Jehovah boaa ehiafo a nna wɔwɔ tsetse Israel no. Ebɛn akwan ahorow na ɔfa do boa n’asomfo a wodzi hia ndɛ so?

• Ɔama woehu dɛ ɔwɔ dɛ wonya adwen a ɔfata wɔ sika ho.​—Lu 12:15; 1Ti 6:6-8

• Ɔaboa hɔn ma woenya obu ama hɔnho.​—Job 34:19

• Ɔakyerɛkyerɛ hɔn ma woehu dɛ ɔwɔ dɛ wɔyɛ edwumadzen na wokwetsir ndzeyɛɛ bɔn.​—Mbɛ 14:23; 20:1; 2Co 7:1

• Ɔnye hɔn aka Christianfo enuayɛkuw a ɔdɔ wɔ mu no ho.​—Joh 13:35; 1Jo 3:17, 18

• Ɔma wonya enyidado.​—Nd 9:18; Isa 65:21-23

Sɛ asetsena mu yɛ dzen ma hɛn dɛn ara mpo a, onnyi dɛ yɛdwendwen. (Isa 30:15) Sɛ yɛkɔ do dze Nyankopɔn n’Ahenman no dzi kan wɔ hɛn asetsena mu a, Jehovah so bɛma hɛn nsa aka hɛn honam afamu ehiadze.​—Mt 6:31-33.

HWƐ VIDEO A WƆATO DZIN ƆDƆ MMBƆ ADZE DA ƆMMFA HO . . . OHIA A IDZI​—CONGO NO, NA YIYI NSƐMBISA A ODZIDZI DO YI ANO:

• Ebɛn kwan do na enuanom a wɔtsetse bɛn mbea ahorow a wɔyɛ ɔmantɔw ehyiadzi no da ahɔhoyɛ edzi kyerɛ hɔn a wotwa kwan ba ehyiadzi no bi no?

• Ebɛnadze na video no ma yehu fa ɔdɔ a Jehovah wɔ ma ehiafo no ho?

• Yebesi dɛn esũasua Jehovah ɔmmfa ho dɛ yennyi sika pii no?