Aber a nna worihyira asɔrfi no do no, Solomon fi n’akoma mu bɔɔ Jehovah mpaa wɔ amamfo no enyim (1Ah 8:22; mwbr22.07 8 ¶1-2; w09-E 11/15 9 ¶9-10)

Solomon yii Jehovah ayɛw wɔ ne mpaabɔ no mu, na ɔanntwetwe adwen ammba noho do (1Ah 8:23, 24)

Solomon fi ahobrɛadze mu bɔɔ mpaa (1Ah 8:27; mwbr22.07 8 ¶3-4; w99-E 1/15 17 ¶7-8)

Hɛn nyina botum esua biribi efi kwan a Solomon faa do bɔɔ mpaa no mu, tsitsir hɔn a wɔbɔ mpaa wɔ bagua mu no. Sɛ yɛrobɔ mpaa wɔ bagua mu a, ɔsɛ dɛ yɛdze hɛn adwen si nsɛm a yɛreka akyerɛ Jehovah no do, kyɛn dɛ yɛbɛka nsɛm bi dze asɔ nyimpa enyi.