Ɔgye gyedzi paa ana obi eetum etu akɛtsena beebi fofor mbrɛ ɔbɛyɛ a obotum ayɛ pii wɔ no som edwuma mu. (Heb 11:8-10) Sɛ epɛ dɛ ekɔsom wɔ beebi a wohia asɛmpakafo pii a, ka ho asɛm kyerɛ w’asafo mu mpanyimfo. Ebɛn ndzɛmba na ibotum ayɛ dze esiesie woho, na eesi beebi a ebɔkɔ ho gyinae? Ibotum akenkan kwan a wɔfa do kɔsom wɔ beebi a wohia mboa ho nsɛm wɔ hɛn nwoma ahorow mu. Sɛ inyim obi a oetu anamɔn a ɔtse dɛm pɛn a, ibotum nye no abɔ ho nkɔmbɔ. (Mbɛ 15:22) Bɔ mpaa serɛ Jehovah dɛ ɔmboa wo ma hu dza ɔsɛ dɛ eyɛ. (Jas 1:5) Afei so, beebi a epɛ dɛ itu kɛtsena no, bisabisa hɔ nsɛm kakra, na sɛ ɔbɛyɛ yie mpo a, kɔhwɛ hɔ nda kakraabi, ansaana sɛ ebɔkɔ a, akɔ.

HWƐ VIDEO A WƆATO DZIN FA GYEDZI HƐN ABOW A ƆBƐMA AYƐ PII NO MU​—KƆSOM WƆ MBEA A MBOA HO HIA KƐSE NO, NA YIYI NSƐMBISA YI ANO:

• Ebɛn nsɛndzendzen na Gabriel hyiae? Ebɛnadze na ɔboaa no ma otumii gyinaa ano?