Jehovah pɛ dɛ mbusua nyina enyi gye. (Nd 127:3-5; Ɔsɛ 9:9; 11:9) Naaso, wiadze yi mu haw ahorow na mfom a ebusua no mufo dzi no botum asɛɛ dɛm enyigye yi. Ebɛnadze na ebusua no munyi biara botum ayɛ ma enyigye aakɔ do atsena ebusua no mu?

Ɔsɛ dɛ okun dzi ne yer nyi. (1Pe 3:7) Ɔsɛ dɛ onya ber ma no. Onnyi dɛ ɔhwehwɛ pii fi ne yer hɔ, mbom ɔwɔ dɛ n’enyi sɔ dza ne yer yɛ ma ɔno na ebusua no mufo no nyina. (Col 3:15) Afei so, ɔwɔ dɛ ɔma ne yer tse nka dɛ ɔdɔ no, na sɛ ɔyɛ adze a ɔfata nkamfo a, ɔsɛ dɛ ɔkamfo no.​—Mbɛ 31:28, 31.

Ɔsɛ dɛ ɔyer yɛ ndzɛmba ahorow bi dze boa no kun. (Mbɛ 31:12) Ɔsɛ dɛ ɔbrɛ noho adze hyɛ no kun ase, na ɔboa no kun ma odzi n’asodzii ho dwuma. (Col 3:18) Afei so, ɔsɛ dɛ ɔnye no kun kasa wɔ obu mu, na onnyi dɛ ɔkeka no kun ho nsɛmbɔn kyerɛ nkorɔfo.​—Mbɛ 31:26.

Ɔsɛ dɛ awofo nya ber ma hɔn mba. (De 6:6, 7) Ɔsɛ dɛ wɔka kyerɛ hɔn mba dɛ wɔdɔ hɔn. (Mt 3:17) Sɛ hɔn mba no yɛ biribi a ɔnnyɛ na sɛ wɔretsea hɔn a, ɔsɛ dɛ wofi ɔdɔ mu yɛ dɛm, na wɔma mbofra no hu dɛ wɔtse hɔn ase.​—Eph 6:4.

Ɔsɛ dɛ mbofra dzi hɔn awofo nyi, na wotsie hɔn asɛm. (Mbɛ 23:22) Ɔsɛ dɛ mbofra ka mbrɛ wosi tse nka nye adwen a wɔwɔ wɔ asɛm bi ho no kyerɛ hɔn awofo. Sɛ hɔn awofo tsea hɔn a, ɔsɛ dɛ wɔgye to mu, na wɔdze hɔn ndzeyɛɛ na hɔn kasaa kyerɛ dɛ wobu hɔn awofo.​—Mbɛ 19:20.

HWƐ VIDEO A WƆATO DZIN DZI DƐW WƆ W’EBUSUA MU NO, NA YI ASƐMBISA A ODZI DO YI ANO:

Ebɛnadze na ebusua no munyi biara yɛe ma enyigye baa ebusua no mu?