September bosoom no mu no, yɛbɛyɛ dza yebotum biara dze aboa nkorɔfo ma woeehu dɛ Nyankopɔn n’Ahendzi no nkotsee na obotum eyi adasamba haw ahorow nyina efi hɔ. (Mt 24:14) Ibesi dɛn dze woho ahyɛ dɛm dwumadzi tsitsir yi mu? Fa hokwan biara a ibenya no ka kyerɛwsɛm bi a ɔfa Nyankopɔn n’Ahendzi no ho no ho asɛm kyerɛ nkorɔfo. Sɛ obi kyerɛ asɛm no ho enyigye a, fa Ɔwɛn-Aban No. 2 2020 ɔmamfo dze no bi ma no. Afei yɛ nhyehyɛɛ na san kɛsera no bio ntsɛmara, na bɔ mbɔdzen fa Ibotum Enya Enyigye Daa! nwomaba no hyɛ Bible adzesua ase. Hɔn a wɔbɔsom dɛ akwampaa boafo wɔ September bosoom no mu no botum dze ndɔnhwer 15 anaa 30 ayɛ dɛm.

Ɔnnkɛkyɛr biara, Nyankopɔn n’Ahendzi no bɛsɛɛ aban ahorow a wɔsoɛr tsia no no nyina. (Da 2:44; 1Co 15:24, 25) Hom mma yɛmfa dɛm hokwan soronko yi nkyerɛ dɛ yɛdɔ Jehovah na yɛtaa n’Ahendzi no ekyir!