Botae ahorow a yɛdze sisi hɛn enyi do wɔ Nyankopɔn no som mu yɛ ndzɛmba a yɛbɔ mbɔdzen dɛ yebodu ho wɔ Jehovah no som mu mbrɛ ɔbɛyɛ a yebotum asom no yie na yaama n’enyi agye. Sɛ yɛdze botae bi si hɛn enyi do na yɛper du ho a, yɛnnsɛɛ hɛn ber nye hɛn ahoɔdzen, mbom ɔboa hɛn ma yɛkɔ hɛn enyim wɔ Jehovah no som mu. (1Ti 4:15) Ofi ber to ber no, ebɛnadze ntsi na no ho hia dɛ yɛsan hwɛ botae a yɛdze esisi hɛn enyi do no bio? Siantsir no nye dɛ hɛn nsɛm tsebea botum asesa. Afei so, obotum aba dɛ biribi ntsi yerunntum nndu botae bi a yɛdze sii hɛn enyi do no ho. Anaadɛ bi a, yeedu hɛn botae bi ho na ɔsɛ dɛ yɛdze fofor si hɛn enyi do.

Ber a ɔfata paa a yebotum asan esusu botae a yɛdze esi hɛn enyi do no ho nye aber a yɛrebɛhyɛ ɔsom afe fofor ase no. Ana hom pɛ dɛ hom dze botae ahorow sisi hom enyi do dɛ ebusua anaa ankorankor? Ɔnodze hom botum esusu botae ahorow a hom botum dze esisi hom enyi do no ho wɔ hom ebusua som ase.

Ebɛn botae pɔtsee na edze esi w’enyi do afa dza odzidzi do yi ho? Na ebɛnadze na epɛ dɛ eyɛ dze du no mu biara ho?