CHRISTIANFO ASETSENA
Suasua Jehovah No Nokwar Dɔ
Jehovah ayɛ nokwar dɔ ho nhwɛdo a ɔkyɛn biara ama hɛn. (Nd 103:11) Nokwar dɔ nnyɛ atsenka bi a sɛ obi nya a, ɔnnkyɛr biara nna wɔatsew kɔ. Mbom no, sɛ obi wɔ nokwar dɔ a, ofi nokwardzi mu dɔ ne nyɛnko, na ɔkɔ do dze noho takyer ne nyɛnko no ho kesi ase. Jehovah daa nokwar dɔ edzi kyerɛɛ ne man Israel wɔ akwan ahorow pii do. Oyii hɔn fii Egypt nkowaasom mu, na ɔdze hɔn baa Anohoba Asaase no do. (Nd 105:42-44) Afei so, ɔkoe gyee hɔn, na ɔdze hɔn mfom so kyɛɛ hɔn mpɛn pii. (Nd 107:19, 20) Sɛ yɛdwendwen Jehovah no nokwar dɔ ho yie a, ɔka hɛn ma yesuasua no.—Nd 107:43.
HWƐ VIDEO A WƆATO DZIN DWENDWEN JEHOVAH NO NOKWAR DƆ HO YIE NO, NA YIYI NSƐMBISA A ODZIDZI DO YI ANO:
-
Ebɛn ndzɛmba na yebotum ayɛ dze akyerɛ dɛ yɛwɔ nokwar dɔ?
-
Ebɛnadze ntsi na ɔsɛ dɛ yɛdze ndzɛmba bɔ afɔr dze da nokwar dɔ edzi kyerɛ hɛn nuanom?
