Amansin do ahwɛfo nye hɔn yernom da no edzi dɛ wɔdɔ enuanom a wɔkɔsom hɔn no. Naaso hɔnara so wɔ hɔn ehiadze. Afei so, ɔtɔ da a wɔtse nka dɛ wɔaberɛ, hɔn abaw mu ebu, na dadwen so tum hyɛ hɔn do tse dɛ mbrɛ ɔto hɛnara so no. (Jas 5:17) Naaso iyi nyina ekyir no, dapɛn biara wɔkɛsera enuanom a wɔwɔ asafo ahorow no mu no na wɔhyɛ hɔn nkuran. Nokwasɛm nye dɛ, amansin do ahwɛfo fata “enyidzi mbɔho.”​—1Ti 5:17.

Aber a ɔsomafo Paul yɛɛ n’adwen dɛ ɔbɔkɔ akɛsera asafo a ɔwɔ Rome no na ɔdze “sunsum mu akyɛdze” bi ama hɔn no, nna ɔrohwɛ kwan dɛ ɔbɛhyɛ enuanom no nkuran na hɔn so wɔaahyɛ no nkuran. (Ro 1:11, 12) Ibesi dɛn ahyɛ wo mansin do hwɛfo na ne yer anaa wo mansin do hwɛfo a ɔyɛ sigyanyi no nkuran?

HWƐ VIDEO A WƆATO DZIN MBRƐ ƆMANSIN DO HWƐFO A ƆWƆ EKURAASE NO YƐ N’EDWUMA NO, NA YIYI NSƐMBISA A ODZIDZI DO YI ANO:

• Ebɛn ndzɛmba na amansin do ahwɛfo nye hɔn yernom dze bɔ afɔr dze kyerɛ dɛ wɔdɔ asafo no mufo no?

  Your answer

• Ebɛn mfaso na wankasa enya efi edwumadzen a wɔyɛ no mu?

  Your answer

• Yebesi dɛn ahyɛ hɔn nkuran?

  Your answer