Dza Ezra suaa fii Nyankopɔn n’Asɛm mu no kaa n’akoma, na ɔdze bɔɔ ne bra (Ezr 7:10; mwbr23.07 2 ¶1; w00-E 10/1 14 ¶8)

Nkorɔfo hun dɛ Ezra dze afotusɛm a ɔwɔ Nyankopɔn n’Asɛm mu no bɔ ne bra (Ezr 7:25; mwbr23.07 2 ¶2; si-E 75 ¶5)

Osiandɛ Ezra brɛɛ noho adze wɔ Nyankopɔn n’enyim ntsi, nna ɔwɔ ahotodo dɛ Jehovah bɛkyerɛ no kwan na ɔbɔbɔ noho ban so (Ezr 8:21-23; mwbr23.07 2 ¶3; it-1-E 1158 ¶4)

Osiandɛ Ezra dze Nyankopɔn n’Asɛm bɔɔ ne bra ntsi, ɔhen no hunii na ɔdze asodzi kɛse hyɛɛ ne nsa. Dɛ mbrɛ Ezra yɛe no, hɛn so sɛ yɛdze Nyankopɔn n’Asɛm no bɔ hɛn bra a, nna yɛrehyɛ Jehovah enyimnyam.

BISA WOHO DƐ, ‘Aso hɔn a wɔnnyɛ Adasefo no hu me dɛ meyɛ obi a medze Nyankopɔn n’Asɛm bɔ me bra?’