CHRISTIANFO ASETSENA
Wogyina Asɛmpa No Ekyir Na Wɔdze Si Hɔ Wɔ Mbra Kwan Do
Aber a nna nyimpa binom mmpɛ dɛ Israelfo no san si asɔrfi no bio no, edwumayɛfo no maa dɛm nkorɔfo no hun dɛ wɔ mbra mu no, wɔwɔ hokwan dɛ wosi dan no. (Ezr 5:11-16) Dɛmara na Christianfo a wɔwɔ hɔ ndɛ no so yɛ. Wɔyɛ dza ohia dɛ wɔyɛ biara dze gyina asɛmpa no ekyir na wɔdze si hɔ wɔ mbra kwan do. (Php 1:7) Iyi ntsi wɔ 1936 mu no, wɔtseew dwumadzibea bi wɔ wiadze nyina edwumayɛbea tsir dɛ ɔnhwɛ hɛn kɔɔt nsɛnsɛm do. Wɔfrɛ dwumadzibea yi Mbra Dwumadzibea. Ndɛ, hɔn na wɔhwɛ ma yetum gyina Ahendzi edwuma no ekyir wɔ wiadze nyina. Naaso, ebɛnadze na dɛm dwumadzibea yi yɛ dze boa Ahendzi edwuma no, na ebɛn kwan do na dza wɔyɛ no roboa Nyankopɔn n’asomfo?
HWƐ VIDEO A WƆATO DZIN MBRA DWUMADZIBEA A ƆWƆ EDWUMAYƐBEA TSIR HO NSERAHWƐ NO, NA YIYI NSƐMBISA YI ANO:
-
Ebɛn ɔhaw na Jehovah Adasefo hyia wɔ kɔɔt nsɛm ho?
-
Konyim ahorow a yedzi wɔ kɔɔt no, no mu bi nye dza ɔwɔ hen?
-
Ebɛnadze na hɛn mu biara botum ayɛ dze egyina asɛmpa no ekyir na yaaboa ma wɔdze esi hɔ wɔ mbra kwan do?
