August 5-11

NDWOM 70-72

BƆ

August 5-11

Ndwom 59 Nye Mpaabɔ | Mbue-Enyim Nsɛm (Min. 1)

AKORADZE A OFI NYANKOPƆN N’ASƐM MU

1. Ka Tum A Jehovah Wɔ No ‘Ho Asɛm Kyerɛ Nkyirmba’

(Min. 10)

Aber a David yɛ ɔbabun nyina, Jehovah bɔɔ no ho ban (Nd 71:5; w99 9/1 18 ¶17)

David bɔɔ akɔkora mpo no Jehovah kɔr do ara boaa no (Nd 71:9; g04 10/8 23 ¶3)

David kaa n’asetsena mu nsɛm kyerɛɛ mbabun dze hyɛɛ hɔn nkuran (Nd 71:17, 18; w14 1/15 23 ¶4-5)

BISA WOHO DƐ, ‘Enuanom a wɔdze mfe pii asom no, hɔn mu woana na mubotum ato nsa afrɛ no na mebisabisa no nsɛm wɔ hɛn Ebusua Som ase?’

2. Pɛnsapɛnsa Bible Mu

(Min. 10)

Nd 72:8—Bɔ a Jehovah dze hyɛɛ Abraham a ɔwɔ Genesis 15:18 no sii dɛn baa mu wɔ Ɔhen Solomon n’aber do? (it-1 768)

Wo mbuae
Eyɛɛ dapɛn yi Bible akenkan no mu mpɛnsampɛnsamu no, ebɛn adze na ihunii a epɛ dɛ eka ho asɛm?

Wo mbuae

3. Bible Akenkan

(Min. 4) Nd 71:1-24 (th adzesua 5)

TU MPON WƆ ASƐNKA EDWUMA NO MU

4. Ber A Epɛ Dɛ Ehyɛ Nkɔmbɔ Ase

(Min. 3) EFIEFI ASƐNKA. Fiewura no pɛ dɛ ɔnye wo gye kyim, nya abotar na twa nkɔmbɔ no do bɔkɔɔ. (lmd adzesua 4 nkyekyɛmu 5)

5. Sankɔhwɛ

(Min. 4) BER A INNYI ASƐNKA MU. Enye wo busuanyi bi a ɔnntsen noho dɛ obosua Bible no ntoa nkɔmbɔ bi a hom edzi kan abɔ no do. (lmd adzesua 8 nkyekyɛmu 4)

6. Kyerɛkyerɛ Wo Gyedzi Mu

(Min. 5) Ɔkasa. ijwfq 49—Asɛntsir: Ebɛnadze Ntsi Na Jehovah Adasefo Asesa Hɔn Gyedzi Ahorow No Bi? (th adzesua 17)

CHRISTIANFO ASETSENA

Ndwom 76

7. Ebusua Som Ho Nyansahyɛ Ahorow

(Min. 15) Nkɔmbɔ.

Ebusua Som yɛ ber pa a mbofra botum dze esua ‘Jehovah setsie nye kasakyerɛ’ ho adze. (Eph 6:4) Hom mma yɛnka, adzesua nnda famu. Naaso sɛ mbofra no nya ɔpɛ dɛ wobosua Bible no a, nkakrankakra adzesua bɛyɛ hɔn enyika. (Joh 6:27; 1Pe 2:2) Ka adakaba a wɔato dzin “ Biribi A Ibotum Dze Ayɛ Ebusua Som” no ho asɛm. Ɔbɔboa awofo ma woeehu dza wɔyɛ a ɔbɛma hɔn Ebusua Som etu mpon na wɔaayɛ enyika. Afei hom nsusu nsɛmbisa a odzi hɔ yi ho:

Nyansahyɛ yi mu hendze na epɛ dɛ esɔ hwɛ?

Wo mbuae
Enya biribi fofor a obotum aboa hom ebusua no anaa?

Wo mbuae

BIRIBI A IBOTUM DZE AYƐ EBUSUA SOM

BIBLE:

Sɛ hom reyɛ dapɛn Bible akenkan no a, hom botum etsie audio dze no anaa homankasa botum akenkan ma woeepue hom ano. Sɛ hom rekenkan Bible no a, ebusua no munyi biara botum afa Bible mu nyimpa kor na ɔakenkan n’asɛm
Hwɛ dapɛn Bible akenkan no na siesie nsɛmbisa ahorow bi. Ma ebusua no munyi biara mfa asɛmbisa kor na ɔnyɛ ho nhwehwɛmu. Afei ma wɔnka dza wohunii no ho asɛm
Bisa asɛm bi anaa ka tsebea bi ho asɛm, afei hwɛ afotusɛm a ɔfa ho wɔ buukuu a wɔato dzin Kyerɛwnsɛm A Christianfo Dze Bɔ Bra no mu
Hom mfa Bible mu asɛm bi nyɛ drama
Dapɛn biara, kyerɛw kyerɛwsɛm bi gu kaad bi do. Ibotum enya dɛm kyerɛwsɛm yi bi wɔ nwomaba a wɔato dzin Dɔ Nyimpa—Ma Wɔmbɛyɛ Esuafo ne nkekaho A no mu. Afei, bɔ mbɔdzen kyer dɛm kyerɛwsɛm no gu wo tsirmu. Dza eyɛe wɔ adapɛn a etwa mu no, bobɔ do
Hom nsua Ibotum Enya Enyigye Daa! buukuu no ne fa bi
Ma ebusua no munyi biara nkɔ BIBLE NKYERƐKYERƐ ɔfa a ɔwɔ jw.org do no. Afei ɔmfa nsɛm a ɔwɔ “Bible Mu Nsɛmbisa A Woebua” no mu kor nkenkan na ɔmbɛka ho asɛm wɔ ebusua som ase

ASAFO NHYIAMU:

Hom nsiesie homho mma asafo nhyiamu
Hom nsiesie mbuae a hom bɛma na hom mbobɔ do. Hom nhwɛ ber tsentsen a hom mbuae no bedzi
Hom nsua ndwom a yɛbɔtow wɔ asafo nhyiamu ase no
Hom nsusu nsɛm a hom botum aka dze ahyɛ obi dzen wɔ asafo nhyiamu ase no ho na hom mbobɔ do
Sɛ ebusua no munyi bi wɔ dwumadzi bi a, obotum ayɛ akyerɛ ebusua no

ASƐNKA:

Hom nsua nsɛm a hom botum dze ayɛ efiefie asɛnka
Hom nsiesie homho mma sankɔhwɛ ahorow bi a hom pɛ dɛ hom kɛyɛ no
Hom nsua nsɛm a sɛ ɔba no dɛ hom nnyi asɛnka mu mpo na hokwan bue a, hom botum dze edzi dase
Hom nsusu mbrɛ hom botum ayɛ pii wɔ asɛnka edwuma no mu wɔ Nkaadzi ber anaa aber a hom mmfa nnkɔ edwuma anaa skuul no ho

EBUSUA NO MU EHIADZE:

Hom botum ahwɛ mbrɛ hom bedzi tsebea pɔtsee bi a asoɛr anaa obotum asoɛr ho dwuma. No mu bi nye ɔfa biara ekyir a yerinngyina, nsisi, afahyɛ ahorow anaa nantsew a odzi awar enyim
Hom botum afa tsebea bi na hom ayɛ ho ɔyɛkyerɛ. Ɔyɛkyerɛ no mu no, awofo no botum ayɛ hɔnho tse dɛ mbofra no na mbofra no so ayɛ hɔnho tse dɛ awofo no. Mbofra no nyɛ asɛm no ho nhwehwɛmu na wɔnye awofo no nsusu ho

NDZƐMBA AFOFOR A HOM BOTUM DZE AYƐ EBUSUA SOM:

Hom nhwɛ dwumadzi bi wɔ JW Broadcasting^® do na hom mbɔ ho nkɔmbɔ
Hom nkenkan asɛm bi anaa hom nhwɛ video bi wɔ jw.org na hom mbɔ ho nkɔmbɔ
Hom nkɔ BIBLE NKYERƐKYERƐ ɔfa a ɔwɔ jw.org do no. Na hom nkenkan nsɛm a ɔwɔ “Mbabun” anaa “Mbofra” ɔfa hɔ no bi
Hom botum esusu kyerɛwtohɔ a hom yɛe wɔ ɔmantɔw anaa ɔmansin ehyiadzi ase no ho
Hom botum ahwɛ abɔdze bi anaa hom ayɛ ho nhwehwɛmu, na afei hom ahwɛ dza dɛm abɔdze no ma hom sua fa Jehovah ho
Ɔyɛ a hom nto nsa mfrɛ onua bi mbra hom ebusua som ase na hom mbisabisa no nsɛm
Hom mfa Nyankopɔn no som mu botae nsisi hom enyi do, na hom nsusu mbrɛ hom botum edu ho
Hom mbɔ mu nyɛ biribi tse dɛ Noah adaka no, maap, anaa chart bi

Yi VIDEO a wɔato dzin Kɔ Do Ara Ma W’ebusua Som Nyɛ Enyika. Afei bisa etsiefo no dɛ:

Sɛ awarfo bi nnyi mba mpo a, okun no besi dɛn ama ne yer n’enyi agye ebusua som ho?

Wo mbuae

8. Asafo Bible Adzesua

(Min. 30) bt tsir 13 ¶17-24

Nsɛm A Wɔdze Wie (Min. 3) | Ndwom 123 Nye Mpaabɔ

ASƐNKA NYE ASETSENA NHYIAMU DWUMADZI NWOMA

August 5-11, 2024 Asɛnka Nye Christianfo Asetsena Nhyiamu No Ho Nhyehyɛɛ

Mfantse