Ansaana yebesi gyinae bi, dɛ ɔyɛ kɛse anaa kakraba no, ana yebisa hɛnho dɛ, ‘Jehovah bɛtse nka dɛn wɔ ho?’ Ɔwɔ mu dɛ yerunntum nnhu biribiara a ɔfa Jehovah n’adwen ho no mu nnwie da dze, naaso ɔdze dza yebehia na ama woeesiesie hɛn koraa ama “edwuma pa biara” no ama hɛn wɔ n’Asɛm mu. (2Ti 3:16, 17; Ro 11:33, 34) Jesus hun Jehovah ne pɛ pefee na ɔno na ɔdze dzii kan wɔ n’asetsena mu. (Joh 4:34) Ɔsɛ dɛ hɛn so yɛyɛ dza yebotum biara dze sisi gyinae a ɔbɔsɔ Jehovah n’enyi dze sũasua Jesus.​—Joh 8:28, 29; Eph 5:15-17.

HWƐ VIDEO A WƆATO DZIN KƆ DO HU DZA ƆYƐ JEHOVAH NE PƐ (LE 19:18) NO, NA YIYI NSƐMBISA A ODZIDZI DO YI ANO:

• Ebɛnadze ntsi na ɔsɛ dɛ yɛdze Bible mu ngyinadonsɛm bɔ hɛn bra?

• Ebɛn Bible mu ngyinadonsɛm na ɔsɛ dɛ yɛdze dzi dwuma aber a yɛrepaw ndwom a yebetsie no?

• Ebɛn Bible mu ngyinadonsɛm na ɔsɛ dɛ yɛdze dzi dwuma aber a yɛrepaw atar a yɛbɛhyɛ nye kwan a yɛbɛfa do esiesie hɛn ho no?

• Ebɛn tsebea afofor mu na ɔsɛ dɛ yɛdze Bible mu ngyinadonsɛm dzi dwuma wɔ hɛn asetsena mu?

• Yɛbɛyɛ dɛn etu mpon wɔ mbrɛ yebohu Jehovah ne pɛ wɔ tsebea ahorow mu?