SIANTSIR A NO HO HIA: 1 Corinthfo yɛ nkrataa 14 a ɔsomafo Paul kyerɛwee dze hyɛɛ no nuanom Christianfo nkuran no mu kor. Sɛ obi kyerɛw krataa a, ɔma onya ber dze paw ne nsɛm yie, na nyia ne nsa ka krataa no so tum kan no bio mpɛn pii. Krataakyerɛw yɛ kwan pa a yetum dze dzi ebusuafo nye afofor dase. Ɔsan so yɛ kwan kor a otu mpon a ɔma yetum dzi hɔn a yennhyia hɔn nye hɔn mmbɔ nkɔmbɔ no dase. Dɛ mfatoho no, bi a ɔyɛ dzen dɛ yɛbɔto obi a ɔakyerɛ asɛm no ho enyigye wɔ fie. Ibia na binom a wɔtse hɛn asaasesin no mu no tsetse fie a wɔagye ho, bea a wɔatsew no ho anaa bea a ɔyɛ dzen dɛ obi bɔkɔ hɔ mu. Ebɛn ndzɛmba na ɔsɛ dɛ yɛhyɛ no nsew, tsitsir aber a yɛrekyerɛw krataa ama obi a yɛnye no nnkasaa da?

MBRƐ EBƐYƐ NO:

• Kyerɛw dza ihyia no a nkyɛ ebɛkã no. Da woho edzi wɔ krataa no n’ahyɛse pɛɛ na kã siantsir a erekyerɛw krataa no kyerɛ no pefee. Ibotum ebisa no asɛm bi a ɔbɔdwendwen ho na aakyerɛ no kwan akɔ hɛn wɛbsaet hɔ. Afei kã hɛn Bible adzesua ho nhyehyɛɛ no ho asɛm anaa bobɔ nsɛntsir ahorow bi a ɔwɔ hɛn nwoma ahorow a yɛdze yɛ Bible adzesua no mu kor do kyerɛ no. Ibotum dze biribi tse dɛ contact card, nsato krataaba, anaa krataaba fofor bi ahyɛ envelope no mu

• Ma wo nsɛm no nyɛ kakraabi. Mma mma wo krataa no mu nsɛm nnyɛ pii, annyɛ dɛm a nyia erekyerɛw no no bɛberɛ wɔ ne nkanee ho.​—Hwɛ no ho mfatoho

• Kenkan krataa no mu hwɛ dɛ akyerɛw biribiara pɛpɛɛpɛr na obi botum ahwɛ do akan no yie anaa. Hwɛ hu dɛ no mu nsɛm no da anyɛnkofa su edzi, obu na enyidzi wɔ mu na ɔhyɛ dzen so. Fa stamp dodow biara a no ho behia fam envelope no n’ekyir