• Fa woara wo address dzi dwuma. Sɛ etse nka dɛ ɔrennyɛ papa dɛ ebɛyɛ no dɛm na sɛ w’asafo mu mpanyimfo no ma wo kwan a, ɔno ibotum dze w’asafo no address mbom edzi dwuma. Naaso, MMA MMFA edwumayɛbea nkorbata no n’address nndzi dwuma dɛ address a nyimpa no mfa do nsan nkyerɛw wo da.

• Sɛ inyim nyia erekyerɛw no ne dzin a, fa yɛ edwuma. Iyi remma onnya adwen dɛ ɔyɛ adzetɔn bi ho dawurbɔ.

• Sopɛr nkasafua ahorow no yie na fa kasa ho mbra nyina so yɛ edwuma yie. Ma wo krataa no mu nyɛ kama, na mma mma no mu nnyɛ basabasa anaa ɔnnyɛ fĩ. Sɛ wo nsa na edze rekyerɛw krataa no a, ɔsɛ dɛ ekyerɛw ma no mu da hɔ na wɔaayɛ mberɛw dɛ obi bɛkan. Ɔnnsɛ dɛ wo nsɛm no yɛ tse dɛ ma edze ridzi agor, na dɛmara so na ɔnnsɛ dɛ ɔyɛ dɛ ma w’enyi aber dodow.

Krataa a wɔakyerɛw wɔ ha yi kyerɛ mbrɛ edze akwankyerɛ ahorow yi bedzi dwuma. Ɔnnyɛ ne tsirmpɔw nye dɛ ebɛkyerɛw nsɛm a ɔwɔ mu no pɛpɛɛpɛr aber biara a erekyerɛw obi a ɔwɔ w’asaasesin mu krataa no. Hu siantsir a erekyerɛw krataa no, na hwɛ hom hɔ amambra nye hom hɔ nsɛm tsebea, afei kyerɛw wo krataa no ma ɔnye no nhyia.