CHRISTIANFO ASETSENA
Mbrɛ Yebotu Mpon Wɔ Asɛnka Mu—Enyifurafo A Yebedzi Hɔn Dase
SIANTSIR A NO HO HIA: Enyifurafo pii mmpɛ dɛ wɔnye ahɔho bɛkasa. Dɛm ntsi ɔgye mbɔdzembɔ bi kakra ana yeetum edzi hɔn dase. Jehovah dwen enyifurafo ho papaapa. (Le 19:14) Hɛn so, sɛ yɛboa enyifurafo ma wobohu Jehovah a, nna yerusũasua no.
MBRƐ EBƐYƐ NO:
-
‘Hwehwɛ’ enyifurafo. (Mt 10:11) Aso inyim obi a no busuanyi bi yɛ onyifuranyi? Wɔ w’asaasesin mu no, aso enyifurafo skuul anaa ahyehyɛdze bi wɔ hɔ a wɔhwɛ enyifurafo a ehwɛ a hɔn enyi bɛgye nwoma a yɛayɛ ama enyifurafo ho no anaa?
-
Kyerɛ hɔnho enyigye. Sɛ eda anyɛnkofa su edzi kyerɛ onyifuranyi bi na ema ohu dɛ edwen noho a, n’akoma bɔtɔ ne yamu. Pɛ asɛm bi a n’enyi bɛgye ho, na enye no mbɔ ho nkɔmbɔ.
-
Boa hɔn ma wonnya nwoma a ɔbɔboa hɔn ma wɔaasom Jehovah. Ahyehyɛdze no ayɛ edwindadze ahorow bi dɛ yɛmfa mboa enyifurafo na hɔn a wonnhu adze papa no. Bisa no ma ɔnkyerɛ wo kwan a ɔbɛpɛ dɛ ɔfa do sũa dze. Ɔwɔ dɛ ɔsom edwuma do hwɛfo no hwɛ hu dɛ nyia ɔhwɛ nwoma do no akra nwoma a onyifuranyi bi pɛ no ama no.
