Afe biara, yɛbɔ mbɔdzen biara to nsa frɛ nyimpa a wɔwɔ hɛn asaasesin mu no ma wɔba bɛka hɛnho ma yɛyɛ Nkaadzi no. Hɔn mu piinara wɔ hɔ a yennyim hɔn. Naaso, ɔwɔ dɛ yɛto nsa frɛ nyimpa a yenyim hɔn dada no so. Sɛ obi to nsa frɛ nyimpa bi a onyim no kakra no dɛ ɔmbra Nkaadzi no bi a, mpɛn pii no ɔba. (yb08-E 11 ¶3; 14 ¶1) Woananom dɛm na ibotum ato nsa afrɛ hɔn?

• W’ebusuafo

• Wo skuulfo anaa w’edwumamufo

• W’efipamfo

• Wo Bible esuafo, hɔn a ekɔ hɔn hɔ sankɔhwɛ, nye hɔn a nna enye hɔn yɛ Bible adzesua

Bio so, asafo mu mpanyimfo bɔto nsa afrɛ hɔn a woegyaa asɛnka kɔ anaa wɔnye asafo no mmbɔ bio no. Na sɛ bi a nyimpa a inyim no no nntse w’apaamu hɔ so ɛ? Sɛ ekɔ jw.org do a, kɔ HƐNHO NSƐM ɔfã hɔ, na klek ɔfã a wɔato dzin “Nkaadzi” no do. Ibohu ber nye bea a wɔbɛyɛ Nkaadzi no bi wɔ beebi a dɛm nyimpa no tse no. Aber a irisiesie woho ama afe yi Nkaadzi no, dwendwen hɔn a ibotum ato nsa afrɛ hɔn no ho, na bɔ mbɔdzen ara to nsa frɛ hɔn.