Jehovah yɛ enyigye Nyankopɔn, na ɔpɛ dɛ hɛn enyi gye wɔ asɛnka edwuma no mu. (1Ti 1:11) Sɛ yɛbɔ mbɔdzen tu mpon wɔ hɛn nkyerɛkyerɛ mu a, hɛn enyigye bɛyɛ kɛse. Sɛ yebisa nsɛm a, obotum ekenyan obi n’enyigye na ɔyɛ kwan a odzi kan a wɔfa do dze hyɛ nkɔmbɔ ase. Nsɛmbisa ma nkorɔfo dwen na wosusu ndzɛmba ho. (Mt 22:41-45) Sɛ yebisa nsɛm na yetsie ho mbuae no a, ɔkwan bi do no, nna yɛrekã dɛ, ‘Woho hia me.’ (Jas 1:19) Mbuae ahorow a nyimpa no bɛma no bɔboa hɛn ma yeehu kwan a yɛbɛfa do ama nkɔmbɔ no eetu mpon.

HWƐ VIDEO A WƆATO DZIN NYA DƐW A ƆWƆ ESUAFOYƐ EDWUMA MU NO BI​—TU MPON WƆ WO NKYERƐKYERƐ MU​—BISA NSƐM NO, NA YIYI NSƐMBISA A ODZIDZI DO YI ANO:

• Ebɛn su pa ahorow na Sandy daa no edzi?

• Ebɛn kwan do na Neeta dze nsɛmbisa dzii dwuma dze kyerɛɛ dɛ ɔdwen Sandy ho?

• Ebɛn kwan do na Neeta dze nsɛmbisa dzii dwuma dze kenyaan Sandy n’enyigye wɔ asɛmpa no ho?

• Ebɛn kwan do na Neeta dze nsɛmbisa dzii dwuma dze boaa Sandy ma ɔdwenee na osusuu ndzɛmba ho?