April 29–May 5
NDWOM 34–35
Ndwom 10 Nye Mpaabɔ | Mbue-Enyim Nsɛm (Min. 1)
1. “Yi Jehovah Ayɛw Ber Nyina”
(Min. 10)
Aber a nna David rihyia ɔtaa mpo no, oyii Jehovah ayɛw (Nd 34:1; w07 3/1 22 ¶11)
David tuu noho wɔ Jehovah mu, na nnyɛ ndzɛmba a nna otum yɛ no (Nd 34:2-4; w07 3/1 22 ¶13)
Aber a David yii Jehovah ayɛw no, ɔhyɛɛ hɔn a wɔka no ho no dzen (Nd 34:5; w07 3/1 23 ¶15)
David fii Abimelech nkyɛn no, mbarimba 400 bi a nna hɔn enyi nngye wɔ Saul n’ahendzi ase kɛkaa no ho. (1Sa 22:1, 2) Obotum aba dɛ nna dɛm nkorɔfo yi ho adwen wɔ David ne tsir mu aber a ɔhyehyɛɛ ndwom yi.—Nd 34, etsifi asɛm.
BISA WOHO DƐ, ‘Sɛ menye obi robɔ nkɔmbɔ wɔ asafo nhyiamu ase a mibesi dɛn dze dɛm hokwan no eyi Jehovah ayɛw?’
2. Pɛnsapɛnsa Bible Mu
(Min. 10)
-
Nd 35:19—David serɛɛ Jehovah dɛ mma ɔmma kwan ma n’atamfo ‘mbubu no enyikyiw.’ Dɛm asɛm yi kyerɛ dɛn? (w06 5/15 20 ¶2)
-
Eyɛɛ dapɛn yi Bible akenkan no mu mpɛnsampɛnsamu no, ebɛnadze na ihunii a epɛ dɛ eka ho asɛm?
3. Bible Akenkan
(Min. 4) Nd 34:1-22 (th adzesua 5)
4. Ber A Epɛ Dɛ Ehyɛ Nkɔmbɔ Ase
(Min. 2) BER A INNYI ASƐNKA MU. Enye obi abɔ nkɔmbɔ ewie, naaso enntum enndzi no dase. (lmd adzesua 1 nkyekyɛmu 4)
5. Sankɔhwɛ
(Min. 4) BER A INNYI ASƐNKA MU. (lmd adzesua 2 nkyekyɛmu 4)
6. Kyerɛkyerɛ Wo Gyedzi Mu
(Min. 5) Ɔyɛkyerɛ. ijwfq 59—Asɛntsir: Jehovah Adasefo Si Dɛn Hu Dɛ Ɔsɛ Dɛ Wodzi Afahyɛ Bi? (th adzesua 17)
Ndwom 59
7. Akwan Ebiasa A Yebotum Afa Do Eyi Jehovah Ayɛw
(Min. 15) Nkɔmbɔ.
Sɛ yɛkɔ Asafo nhyiamu ase a, yenya hokwan kɛse yi Jehovah ayɛw. Akwan ebiasa a odzidzi do yi na yɛfa do yɛ.
Nkɔmbɔ: Sɛ enye nkorɔfo robɔ nkɔmbɔ a, ɔyɛ a ka Jehovah ne papayɛ ho asɛm. (Nd 145:1, 7) Akenkan Bible mu asɛm bi anaa edze no mu asɛm bi ayɛ edwuma ma aboa wo anaa? Enya suahu bi a ɔhyɛ nkuran wɔ asɛnka mu? Obi ayɛ biribi anaa ɔaka asɛm bi ma aka w’akoma anaa ahyɛ wo nkuran? Agye ber ahwɛ abɔdze ma w’enyi agye? Ne nyina yɛ akyɛdze a ofi Jehovah hɔ. (Jas 1:17) Bɔ mbɔdzen du asafo nhyiamu ase ntsɛm, mbrɛ ɔbɛyɛ a ibotum nye enuanom abɔ ho nkɔmbɔ.
Mbuae: Bɔ mbɔdzen dɛ annyɛ yie koraa no, ebɛma mbuae kor bi wɔ asafo nhyiamu biara a ebɔkɔ no ase. (Nd 26:12) Ibotum eyi asɛmbisa bi ano tsenn anaadɛ ebɛka biribi fofor bi so ho asɛm tsiabaa. Afei so, ibotum atwe adwen esi kyerɛwsɛm, mfonyin anaa esuadze a ɔwɔ asɛm no mu no do. Kaa dɛ, ɔnyɛ dɛn ara a enuanom afofor so bɛma hɔn nsa do, ntsi ɔyɛ a siesie mbuae kor anaa ebien bi so ka ho. Bio so, bɔ mbɔdzen dɛ eremma wo mbuae no mmbor enyibu 30 (30 seconds) ama enuanom pii so enya hokwan ‘abɔ ayeyi afɔr ama Nyankopɔn.’—Heb 13:15.
Ndwom: Fa enyigye na ahokeka tow asafo ndwom no bi. (Nd 147:1) Sɛ ewɔ asafo a enuanom dɔɔ so paa mu a, ɔnnyɛ aber biara na sɛ ema wo nsa do a wɔbɛfrɛ wo, naaso ndwom dze obi biara botum atow bi. Sɛ etse nka dɛ wo ndze ewu anaa innyim ndwom tow mpo, na sɛ ema wo ndze do tow bi nkotsee dze a, Jehovah n’enyi sɔ! (2Co 8:12) Ibotum edzi kan abobɔ ndwom no do wɔ fie.
Yi VIDEO a wɔato dzin Hɛn Ahyehyɛdze No Rokɔ N’enyim —Ndwom Yɛ Akyɛdze, Ɔfa 1. Afei bisa etsiefo no dɛ:
Ofi nkan no besi ndɛ nyina, ebɛnadze na yaayɛ a ɔkyerɛ dɛ ohia dɛ yɛtow ayeyi ndwom ma Jehovah?
8. Asafo Bible Adzesua
(Min. 30) bt tsir 9 ¶1-7, ɔfa 3 nye adakaba a ɔwɔ kr. 70
