Ɔdɔ yɛ glue bi a ɔka ebusua bi bɔ mu. Ɔdɔ ma koryɛ ba ebusua mu, na ɔma ebusua no tum bɔ mu yɛ adze. Kunnom, yernom na awofo besi dɛn ada ɔdɔ edzi wɔ ebusua no mu?

Okun a ɔwɔ ɔdɔ no susu ne yer n’ehiadze, n’adwenkyerɛ nye ne nkãtse ho. (Eph 5:28, 29) Ɔdze n’ebusua no sunsum afamu nye honam afamu ehiadze ma hɔn, na onngya Ebusua Som a wɔyɛ no ewimbir no so nnto mu. (1Ti 5:8) Ɔyer a ɔwɔ ɔdɔ no brɛ no ho adze ma no kun na ‘ɔfɛr no kɛse.’ (Eph 5:22, 33; 1Pe 3:1-6) Ɔwɔ dɛ awarfo beenu no nyinara yɛ krado dɛ wɔdze bɛkyekyɛ hɔnho koraa. (Eph 4:32) Awofo a wɔwɔ ɔdɔ no dwen hɔn mba no mu biara ho na wɔkyerɛkyerɛ hɔn ma wɔdɔ Jehovah. (De 6:6, 7; Eph 6:4) Ebɛn nsɛndzendzen na hɔn mba no hyia wɔ skuul? Wosi dɛn gyina etsipɛmfo nhyɛdo ano? Sɛ ɔdɔ hyɛ ebusua no mu mã a, ebusua no mufo nyina ho bɔtɔ hɔn na wɔbɛtse nka dɛ wɔwɔ bambɔ.

HWƐ VIDEO A WƆATO DZIN KƆ DO DA ƆDƆ EDZI WƆ W’EBUSUA MU NO, NA YIYI NSƐMBISA A ODZIDZI DO YI ANO:

• Okun a ɔwɔ ɔdɔ no si dɛn hwɛ ne yer na osi dɛn ma n’enyi sɔ no?

• Ɔyer a ɔwɔ ɔdɔ no si dɛn da obu kɛse edzi kyerɛ no kun?

• Awofo a wɔwɔ ɔdɔ no si dɛn dze Nyankopɔn n’Asɛm dua hɔn mba mu?