TU MPON WƆ ASƐNKA EDWUMA NO MU | NYA ENYIGYE KƐSE WƆ ASƐNKA EDWUMA NO MU
Fi Ahokekã Mu Kyerɛkyerɛ
Sɛ yɛda ahokekã edzi a, ɔka afofor so. Obotum ama hɛn etsiefo no aayɛ aso etsie dza yɛrekã no. Sɛ yɛda ahokekã edzi a, ɔsan so kyerɛ dɛ asɛm a yɛrekã no ho hia hɛn. Ɔmmfa ho beebi a wɔtsetsee hɛn anaa mbrɛ yɛtse biara no, yebotum ada ahokekã edzi. (Ro 12:11) Ibesi dɛn ayɛ dɛm?
Odzi kan no, dwendwen mfaso a ɔwɔ w’asɛm no do no ho. Ɔyɛ ho kwan a enya dɛ ebɔbɔ “ndzepa ho asɛmpa” no ho dawur. (Ro 10:15) Otsĩa ebien, dwendwen mfaso a asɛmpa no botum ama hɔn a wotsie no enya wɔ hɔn asetsena mu no ho. Ohia papaapa dɛ wɔtse dza ewɔ kã no. (Ro 10:13, 14) Otwa tun no, fi ɔhyew mu kasa, na fa mbrɛ isi totow wo nsa, nye mbrɛ isi yɛ w’enyim no kyerɛ dɛ ifi w’akoma mu na erekasa.
HWƐ VIDEO A WƆATO DZIN NYA DƐW A ƆWƆ ESUAFOYƐ EDWUMA MU NO BI—TU MPON WƆ WO NKYERƐKYERƐ MU—FI AHOKEKÃ MU KYERƐKYERƐ NO, NA YIYI NSƐMBISA A ODZIDZI DO YI ANO:
-
Ebɛnadze na ɔmaa ahokekã mu a Neeta fi nye Sandy sũa adze no tsewee kɔree?
-
Ebɛnadze na okenyaan Neeta n’ahokekã no bio?
-
Sɛ yɛda ahokekã edzi a, ɔka afofor so
Ebɛnadze ntsi na ɔwɔ dɛ yɛdze hɛn adwen si su pa a hɛn etsiefo no wɔ no do?
-
Sɛ yɛda ahokekã edzi a, obotum aka hɛn Bible esuafo nye afofor dɛn?
