TU MPON WƆ ASƐNKA EDWUMA NO MU | NYA ENYIGYE KƐSE WƆ ASƐNKA EDWUMA NO MU
Fa Mfatoho Kyerɛkyerɛ Nsɛntsitsir Mu
Sɛ yɛreyɛ sankɔhwɛ anaa Bible adzesua a, ɔwɔ dɛ yɛboa hɛn etsiefo no ma wɔtse nsɛntsitsir a ɔwɔ dza yɛrekã no mu no ase. Sɛ yɛdze mfatoho kyerɛkyerɛ dɛm nsɛntsitsir yi mu a, obotum aka hɔn akoma na ɔbɔboa ma wɔaakaa dza yɛkyerɛkyerɛ hɔn no.
Sɛ irisiesie woho akɛyɛ sankɔhwɛ anaa Bible adzesua a, fa mfatoho kyerɛkyerɛ nsɛntsitsir no mu, na nnyɛ nsɛm nketsenketse biara kɛkɛ. Fa mfatoho a n’asetse nnyɛ dzen na ɔfa da biara da asetsena ho no dzi dwuma. (Mt 5:14-16; Mr 2:21; Lu 14:7-11) Ma bea a wo fiewura no fi nye dza ɔyɛ wɔ asetsena mu no ntsena w’adwen mu. (Lu 5:2-11; Joh 4:7-15) Sɛ ihu dɛ ɔatse asɛntsitsir bi ase ma n’enyi agye a, ɔbɛma woara so w’enyi agye.
HWƐ VIDEO A WƆATO DZIN NYA DƐW A ƆWƆ ESUAFOYƐ EDWUMA MU NO BI—TU MPON WƆ WO NKYERƐKYERƐ MU—FA MFATOHO KYERƐKYERƐ NSƐNTSITSIR MU NO, NA YIYI NSƐMBISA A ODZIDZI DO YI ANO:
-
Ebɛnadze ntsi na bi a Bible esuafo behia mboa ama wɔaatse Kyerɛwnsɛm ahorow bi ase?
-
Neeta sii dɛn dze mfatoho kyerɛkyerɛɛ nokwasɛm a ɔwɔ Romefo 5:12 no mu?
-
Mfatoho pa ka akoma
Ebɛn nkantando na mfatoho pa botum enya wɔ hɛn etsiefo do?
-
Ebɛnadze ntsi na ɔwɔ dɛ yɛdze video nye edwindadze afofor a yɛdze kyerɛkyerɛ a Jehovah n’ahyehyɛdze no dze ama hɛn no dzi dwuma wɔ asɛnka mu?
