Ntsẽa yɛ akwankyerɛ anaa ntsetsee a wɔdze ma obi. Naaso asotwe na nyimpa no a wɔbɛtsen no no so ka ntsẽa ho. Jehovah tsẽa hɛn ama yaasom no wɔ kwan a ɔfata do. (Ro 12:1; Heb 12:10, 11) Ɔtɔfabi a, ntsẽa botum ayɛ yaw naaso ɔma yenya gyinabew a ɔtsen wɔ Nyankopɔn n’enyim na ohyira hɛn. (Mbɛ 10:7) Ebɛnadze na ɔwɔ dɛ hɔn a wɔdze ntsẽa ma nye hɔn a wɔgye ntsẽa no ma ɔtsena hɔn adwen mu?

Obi a ɔdze ntsẽa ma. Mpanyimfo, awofo, nye afofor bɔ mbɔdzen ankasa fi ɔdɔ nye ayamuyie mu dze ntsẽa ma dɛ mbrɛ Jehovah yɛ no. (Jer 46:28) Sɛ ntsẽa a n’ano yɛ dzen mpo na wɔdze bɛma a, ɔwɔ dɛ ɔnye asɛm a woesi no hyia, na wofi ɔdɔ mu dze ma.​—Tit 1:13.

Obi a ɔgye ntsẽa. Ɔmmfa ho ntsẽa biara a wɔdze bɛma hɛn no, ɔwɔ dɛ yɛgye to mu, na yɛbɔ mbɔdzen dɛ yɛdze bɛyɛ edwuma ntsɛmara. (Mbɛ 3:11, 12) Yɛyɛ nyimpa a yenndzi mũ, ntsi hɛn nyinara hia ntsẽa, na wobotum afa akwan ahorow pii do atsẽa hɛn. Asɛm bi a yɛkenkan fi Bible mu anaa yɛtse wɔ asafo nhyiamu ase no botum atsẽa hɛn. Anaaso dɛ ɔtɔfabi a, obehia dɛ asɛndzi egyinatukuw bi tsẽa binom. Sɛ yɛgye ntsẽa to mu a, hɛn asetsena bɛyɛ papa na yɛbɛtsena ase daa.​—Mbɛ 10:17.

HWƐ VIDEO A WƆATO DZIN ‘JEHOVAH TSẼA HƆN A ƆDƆ HƆN NO’ NO, NA YIYI NSƐMBISA A ODZIDZI DO YI ANO:

• Canon hyɛɛ n’abrabɔ ase dɛn, na n’abrabɔ sii dɛn sesae?

• Ebɛn ntsẽa a ɔdɔ wɔ mu na Jehovah dze maa no?

• Ebɛnadze na yebotum esũa efi n’asɛm no mu?