Osiandɛ yɛyɛ nyimpa a yenndzi mũ ntsi, ɔwɔ dɛ aber nyina yɛbɔ mbɔdzen dɛ yɛbɛhyɛ hɛnho do wɔ tsebea ahorow bi mu. Sɛ yegyaagyaa hɛnho a, obotum asɛɛ ebusuabɔ a yɛnye Jehovah wɔ no. Dɛ nhwɛdo no, binom ma dza wobedzi, dza wɔbɛhyɛ nye beebi a wɔdze hɔn tsir bɔto no hia hɔn dodoodow kyɛn Nyankopɔn n’apɛdze a wɔbɛyɛ. Binom so ma nda ho akɔndɔ hyɛ hɔn do araa ma wɔmmfa Nyankopɔn n’akwankyerɛ nnyɛ hwee. (Ro 1:26, 27) Na binom so mpo dze, osiandɛ wɔpɛ dɛ hɔn etsipɛmfo gye hɔn to mu anaa wɔpɛ hɔn asɛm ntsi, wɔyɛ ndzɛmba a ɔsɔ hɔn etsipɛmfo no enyi.​—Ex 23:2.

Yebesi dɛn ahyɛ hɛnho do wɔ tsebea ahorow a ɔtsetse dɛm mu? Ɔwɔ dɛ yɛbɔ mbɔdzen biara dɛ yɛbɛyɛ dza ɔsɔ Jehovah n’enyi. (Mt 4:4) Nkyii so, ɔsɛ dɛ yɛserɛ Jehovah dɛ ɔmboa hɛn ma yɛnhyɛ hɛnho do. Dɛn ntsi a? Osiandɛ ɔno na onyim dza oye ma hɛn, nye kwan pa yebotum afa do ama hɛn nsa aka dza yehia nyina.​—Nd 145:16.

HWƐ VIDEO A WƆATO DZIN MMA MMA SIGARƐT NNSƐƐ W’ABRABƆ NO, NA YIYI NSƐMBISA A ODZIDZI DO YI ANO:

• Ebɛnadze ntsi na binom nom sigarɛt?

• Ebɛn ɔhaw na sigarɛtnom botum dze abrɛ wo?

• Ebɛnadze ntsi na sigarɛtnom nye biribi tse dɛ shisha a obi bɔtwe no yɛ bɔn?​—2Co 7:1

• Ibesi dɛn atwe woho efi sigarɛtnom ho anaa egyaa nom koraa?