Ɔdɔ a pɛsɛankonya nnyi mu a yɛwɔ ma hɛn nuanom no ka hɛn ma yenya hɔnho adwen pa. (1Co 13:4, 7) Dɛ nhwɛdo no, sɛ hɛn nua bi yɛ bɔn na wɔdze ntsẽa a ɔfata ma no a, yɛhwɛ kwan dɛ ɔbɛgye ntsẽa no ato mu na ɔaayɛ nsesa. Yenya hɔn a hɔn gyedzi yɛ mberɛw no ho abotar, na yɛyɛ dza yebotum biara dze boa hɔn. (Ro 15:1) Sɛ hɛn nua bi fi nokwar no mu a, osiandɛ yɛdɔ no ntsi, yɛwɔ awerɛhyɛmu dɛ daakye bi ɔbɛsan aba.​—Lu 15:17, 18.

HWƐ VIDEO A WƆATO DZIN KAA MBRƐ ƆDƆ SI YƐ N’ADZE​—ONYA ADZE NYINA HO ENYIDADO NO, NA YIYI NSƐMBISA A ODZIDZI DO YI ANO:

• Ebɛnadze na ɔkaa Abner ma ekyir yi okedzii David n’ekyir?

• Ebisadze a Abner dze bɔtoo David n’enyim no, David yɛɛ n’adze dɛn wɔ ho? Na Joab so ɛ?

• Ebɛnadze ntsi na ɔsɛ dɛ yenya hɛn nuanom ho adwen pa?