Aber a nna Jesus wɔ asaase do no, nna nsɛm a osisi no na ɔdze kyerɛkyerɛ nkorɔfo. (Lu 13:1-5) Woara so botum dze nsɛm bi a woesisi ndaansa yi ara no edzi dwuma wɔ asɛnka mu dze ekenyan nkorɔfo hɔn enyigye wɔ Ahendzi asɛmpa no ho. Sɛ ihyia fiewura bi a, ibotum akã sikasɛm mu ahokyer, atoyerɛnkyɛm bi a woesi, basabasayɛ, ndubɔn nom, anaa biribi a ɔtse dɛm ho asɛm dze ahyɛ w’asɛm no ase. Afei, ibotum ebisa no asɛm bi a ɔbɛma ɔadwen asɛm a akã no ho. Bi a ibebisa no dɛ: “Ehwɛ a, . . .  tun botwa dabi?” anaadɛ “Ehwɛ a, ebɛnadze na ɔbɛma . . .  tun etwa?” Sɛ iwie a, kenkan kyerɛwsɛm bi a ɔfa asɛm no ho kyerɛ no. Sɛ nyimpa no kyerɛ ho enyigye a, fa video bi a ɔwɔ hɛn Edwindadze Etsitsir A Yɛdze Kyerɛkyerɛ no mu kyerɛ no anaa fa nwoma bi a ɔwɔ mu no ma no. Aber a yɛrobɔ mbɔdzen dɛ yɛbɛma hɛn nsɛm aka hɔn a wɔwɔ hɛn asaasesin no mu no akoma no, ɔmbra dɛ yɛbɛyɛ dza yebotum nyina wɔ asɛmpaka edwuma a yɛreyɛ no mu.​—1Co 9:22, 23.

Ebɛn nsɛm na hɔn a wɔwɔ w’asaasesin mu no enyi bɛgye ho?