Ebɛnadze nye Bible a wɔayɛ no audio no? Ɔyɛ New World Translation Bible no a wɔakenkan na wɔarekɔɔd. Wɔdze Bible akenkan a wɔarekɔɔd yi to jw.org anaa JW Library do nkakrankakra, na wɔayɛ dɛm wɔ kasa ahorow pii mu. Adze kor a ɔma dɛm Bible akenkan yi yɛ soronko nye dɛ sɛ ɔbaa na ɔkaa asɛm bi wɔ Bible mu a, wɔma ɔbaa kenkan dɛm asɛm no. Na sɛ banyin na ɔkaa asɛm bi so a, wɔma banyin kenkan. Sɛ wɔrekenkan a, wosi nkasafua etsitsir no do dua yie, na wɔma akenkan no yɛ tse dɛ mbrɛ asɛm no risi.

Ebɛn kwan do na Bible a wɔayɛ no audio yi roboa nkorɔfo? Hɔn a wɔtaa tsie Bible a wɔakenkan yi mu pii ka dɛ ɔma wɔtse Nyankopɔn n’Asɛm no ase yie, osiandɛ sɛ wɔtse ndze asorɔtow no a, ɔma wɔtse nka dɛ wɔwɔ hɔ bi ma asɛm no risi. (Mbɛ 4:5) Binom so ebohu dɛ sɛ dadwen hyɛ hɔn do na wotsie Bible a wɔakenkan no a, otum ma hɔn akoma tɔ hɔn yamu.​—Nd 94:19.

Sɛ wɔkenkan Nyankopɔn n’Asɛm no kyerɛ hɛn a, otum ma yɛyɛ nsesa wɔ hɛn asetsena mu. (2Mb 34:19-21) Sɛ Bible no nyina a wɔayɛ no audio anaa ne fa bi wɔ kasa bi a itum tse ase mu a, aso ibotum dze aka wo nhyehyɛɛ ho na ataa abɔ bi etsie anaa?

HWƐ VIDEO A WƆATO DZIN MBRƐ WOSII YƐƐ BIBLE A WƆAYƐ NO AUDIO NO​—NE FA BI NO, NA YI ASƐMBISA A ODZI DO YI ANO:

Ebɛnadze paa na w’enyi gye ho wɔ kwan a wɔfaa do yɛɛ Bible akenkan a wɔarekɔɔd no ho?