Christianfo a wɔreyɛ hɔn awar ho ntotoe no wɔ gyinae ahorow pii a ɔsɛ dɛ wosisi. Bi a beebi a wɔtse no, sɛ obi reyɛ ayefor a, ɔma do kuntann, ntsi wɔbɛtse nka dɛ ɔsɛ dɛ hɔn so wɔyɛ hɔndze no dɛmara. Bi mpo a ebusuafo na anyɛnkofo bɛma hɔn adwenkyerɛ ahorow, na wɔaakyerɛ hɔn mbrɛ wonsi nyɛ ayefor no. Ebɛn Bible ngyinadonsɛm na ɔbɔboa hɔn a wɔayɛ awar nhyehyɛɛ yi ma wɔaatoto ndzɛmba yie wɔ hɔn da tsitsir yi mu, na amma hɔn tsibowa annhaw hɔn ekyir yi ma woennu hɔnho?

HWƐ VIDEO A WƆATO DZIN AYEFORHYIA A ƆHYƐ JEHOVAH ENYIMNYAM NO, NA YIYI NSƐMBISA A ODZIDZI DO YI ANO:

• Ebɛn kwan do na Bible ngyinadonsɛm a odzidzi do yi boaa Nick na Juliana?

  • 1Co 10:31

  • 1Jo 2:15, 16

  • Ga 5:19-21

  • 1Ti 2:9

• Ebɛnadze ntsi na ɔsɛ dɛ hɔn a wɔayɛ awar nhyehyɛɛ no paw Christiannyi bi a noho akokwaa ma ɔhwɛ hɔn ayeforhyia dwumadzi no do?​—Joh 2:9, 10.

• Ebɛnadze ntsi na Nick na Juliana ankasa paaw ndzɛmba pɔtsee bi a nna ɔbɔkɔ do wɔ hɔn ayeforhyia no ase no?

• Woana ankasa na ɔyɛ n’asodzii dɛ osi dza ɔbɔkɔ do wɔ ayeforhyia no, nye n’aponto ase no ho gyinae?​—w06-TW 10/15 25 ¶10.