Akowaa nokwafo nye nyansafo no ma hɛn edziban “wɔ ber a ɔsɛ mu,” na iyi kyerɛ dɛ Jehovah a ɔkyerɛ akowaa yi kwan no nyim hɛn sunsum afamu ehiadze. (Mt 24:45) Ndzɛmba ahorow a ɔda no edzi dɛ asɛm yi yɛ nokwar no nye ɔmantɔw ehyiadzi a yɛkɔ, hɛn Christianfo nhyiamu a yɛyɛ no dapɛn finimfin nye pii a ɔkeka ho.

HWƐ VIDEO A WƆATO DZIN 2017 NKYERƐKYERƐ EGYINATUKUW AMANDZƐƐBƆ NO, NA YIYI NSƐMBISA A ODZIDZI DO YI ANO:

• Woana na ɔsɛ dɛ yɛdze ehyiadzi ahorow a yɛkɔ no wɔ ne ber mu no ho ayeyi ma no, na ebɛnadze ntsi a?

• Ebɛn aber na wɔhyɛ ase yɛ ehyiadzi a yɛkɔ no ho edwuma?

• Wɔyɛ dɛn paw nsɛntsir ahorow a wobosusu ho wɔ ehyiadzi no ase no?

• Sɛ wɔreyɛ ehyiadzi ahorow no ho ntotoe a, ebɛn ndzɛmba ahorow dɛm na wɔyɛ?

• Ebɛn kwan do na hɛn dapɛn finimfin nhyiamu no tse dɛ mbrɛ wosi sũa adze wɔ Gilead no?

• Ebɛn kwan do na dwumadzibea ahorow no bɔ mu yɛ edwuma dze yɛ nhyiamu dwumadzi nwoma no?

Sunsum afamu ndzepa a yenya fi Jehovah hɔ no, ɔma warankasa etse nka dɛn?