5:5-7, 11

Wɔ tsetse Israel no, nna ohia runntum nnsiw asomdwee a obi bɛma ɔatsena ɔno na Jehovah ntamu no ho kwan. Sɛ nna obi a ɔyɛ ohianyi buroburo koraa mpo fi n’akoma nyina mu dze ayɛyɛdze a ɔfata ma Jehovah a, Jehovah n’enyi sɔ. Nna wobotum dze isiam abɔ afɔr no, naaso nna Jehovah hwehwɛ dɛ ɔyɛ isiam “pa,” dza nna wɔdze som obi hɔho no bi. (Ge 18:6) Ndɛ, ɔmmfa ho dza hɛn nsɛm tsebea botum ama yɛdze ama biara no, Jehovah gye hɛn “ayɛyi-afɔr” a oye papaapa no to mu.​—Heb 13:15.

Bi a w’apɔwmudzen anaa w’ahoɔdzen ntsi, inntum nnyɛ pii dɛ mbrɛ nkan no nna eyɛ no a, ebɛn kwan do na asɛm yi botum ahyɛ wo nkuran?