39:32, 43; 40:1, 2, 16

Akwankyerɛ biara a Jehovah dze maa Moses dze fa no ntamadan no ne si nye ne yɛ ho no, ɔtɔɔ no bo ara dzii do pɛpɛɛpɛ. Dɛmara so na ɔsɛ dɛ yɛyɛ ntsɛm tsie akwankyerɛ biara a Jehovah n’ahyehyɛdze no dze bɛma hɛn no na yefi hɛn akoma nyinara mu dzi do. Iyi ho hia aber mpo a yennhu siantsir a ɔsɛ dɛ yedzi akwankyerɛ bi do anaa yɛnntse siantsir a wɔdze dɛm akwankyerɛ no ama hɛn no ase.​—Lu 16:10.

Ebɛnadze ntsi na ɔwɔ dɛ yetsie akwankyerɛ na yedzi do pɛpɛɛpɛ . . .

• wɔ asɛnka nhyiamu ase?

• aber a yɛrekyerɛ eduyɛ pɔtsee a yɛbɛpaw ber a yarba bi abɔ hɛn mpofirmu no?

• aber a yerisiesie hɛnho ama atoyerɛnkyɛm?