Wɔ Nyankopɔn n’asomfo abakɔsɛm mu no, woetum ayɛ ndzɛmba akɛse a ɔyɛ nwanwa pii, naaso ɔnnyɛ hɔn ahoɔdzen na ɔmaa wotumii yɛɛ iyi mu biara, mbom Jehovah na ɔboaa hɔn ma wotumii yɛɛ ne nyinara. Wɔ afe 1954 mu no, Jehovah n’ahyehyɛdze no yii video bi a wɔato dzin Wiadze Fofor No Mufo Hɔn Dwumadzi no edzi. Bethel ebusua no mufo a nna wonnyi senetwa ho suahu biara na wɔyɛɛ dɛm video yi. Ɔyɛ Jehovah no sunsum krɔnkrɔn no na ɔboaa hɔn ma wɔyɛɛ dɛm edwumason yi. Iyi ma yenya awerɛhyɛmu dɛ sɛ yɛdze hɛnho to Jehovah do a, yebotum ayɛ dwumadzi biara a wɔdze bɛhyɛ hɛn nsa no.​—Zec 4:6.

HWƐ VIDEO A WƆATO DZIN MBRƐ WƆYƐƐ “WIADZE FOFOR NO MUFO HƆN DWUMADZI” VIDEO NO, NA YIYI NSƐMBISA A ODZIDZI DO YI ANO:

• Ebɛnadze ntsi na wosii gyinae dɛ wɔbɛyɛ wiadze nyina edwumayɛbea tsir no ho video?

• Ebɛn kwan do na video no maa yehun dɛ Bethel ebusua no mufo yɛ edwuma tse dɛ nyimpadua no ne mfafakuwa ahorow no?​—1Co 12:14-20

• Ebɛn nsɛndzendzen ahorow na wohyiae aber a nna wɔreyɛ video no, na wɔyɛɛ dɛn dzii do?

• Ebɛnadze na dɛm suahu yi kyerɛ hɛn fa Jehovah no sunsum krɔnkrɔn no ho?