Ɔyɛ Jehovah na ɔma nokwar no gye ndwow na onyin wɔ obi n’akoma mu. (1Co 3:6-9) Dɛm ntsi sɛ yebotum ayɛ asɛnka edwuma no yie a, ɔwɔ dɛ yɛdze hɛnho to Jehovah do ma ɔboa hɛn nye hɛn Bible esuafo no nyina.

Serɛ Jehovah dɛ ɔmboa wo Bible esuafo ma wontum ngyina nhyɛdo nye nsɛndzendzen ahorow a wohyia no ano. (Php 1:9, 10) Kã mboa pɔtsee a ihia no ho asɛm kyerɛ Jehovah. Bɔ mpaa serɛ Jehovah ma ɔmfa no sunsum krɔnkrɔn no mbɔ wo nsusui nye wo ndzeyɛɛ ho ban. (Lu 11:13) Kyerɛ wo Bible esuafo no ma wonhu mbrɛ wosi bɔ mpaa, na hyɛ hɔn nkuran ma wɔmbɔ mpaa. Bɔ mpaa ma wo Bible esuafo no na enye hɔn mbɔ mu mbɔ mpaa so, na sɛ ɔyɛ a, bɔ hɔn edzin wɔ mpaabɔ no mu.

HWƐ VIDEO A WƆATO DZIN NYA DƐW A ƆWƆ ESUAFOYƐ EDWUMA MU NO BI​—FA MBOA A JEHOVAH DZE MA NO DZI DWUMA​—MPAABƆ NO, NA YIYI NSƐMBISA A ODZIDZI DO YI ANO:

• Ebɛn nsɛndzendzen na Neeta hyiae wɔ ɔnye Sandy hɔn adzesua no mu?

• Ebɛn kwan do 1 Corinthfo 3:6 boaa Neeta?

• Neeta sii dɛn dzii nsɛndzendzen a ohyiae no ho dwuma?